Deri tani, 10 parti politike kanë aplikuar për certifikim të listave për deputetë
Deri më sot, në KQZ kanë aplikuar për certifikim 10 subjekte politike.
Besnik Buzhala nga Zyra për Regjistrim të Partive në mbledhjen e sotme të KQZ-së, tha se nga data 1 shtator e deri më 12 dhjetor (këto momente) kanë aplikuar për certifikim 10 subjekte politike të cilat edhe i përmendi.
“1 shtator të vitit 2024 dhe përfundon sot më datën 11 dhjetor, 2024. Prej datës 1 shtator deri në këto momente gjithsej kanë aplikuar për certifikim 10 subjekte politike”, tha ai.
“Është subjekti politik i regjistruar, Jedinstvena Goranska Partija JGP (datë 09.12.2024) me gjithsej 29 kandidatë, Partia e Ashkalinjëve për Integrim PAI (datë 10.12.2024) me 35 kandidatë, Srpska Demokratija (datë 10.12.2024) 13 kandidatë, Iniciativa qytetare Gradjanska Inicijativa Narodna Pravda (datë 10.12.2024) me 10 kandidatë, Iniciativa qytetare Opre Roma Kosova (datë 10.12.2024) me 12 kandidatë, Za Slobodu Pravdu i Opstanak (datë 10.12.2024) me 12 kandidatë, Yenilikçi Türk Hareket Partisi (datë 11.12.2024) me 25 kandidatë, Partija kosovskih Srba (datë 11.12.2024) me 9 kandidatë, kandidati i pavarur Fatmir Bytyqi, dhe Kosova Demokratik Türk Partisi (datë 11.12.2024) me gjithsej 25 kandidatë”, tha Buzhala.
Afati i subjekteve politike për certifikim dhe dorëzim të listave me kandidatët për deputetë është shtyer deri në ora 23:59 (e mërkurë)
Kështu bëri të ditur, zëdhënësi i KQZ-së, Valmir Elezi.
