Vetëvendosje e nominon Albin Kurtin, kandidat për kryeministër edhe për një mandat
Lëvizja Vetëvendosje në mbledhjen e Këshillit të Përgjithshëm që po mbahet sot ka nominuar Albin Kurtin, kandidat të tyre për kryeministër edhe për një mandat qeverisës.
Sami Kurteshi tha se deri më sot ka pasur vetëm një kandidatë që ka mbledh nënshkrimet dhe ai është Albin Kurti.
“KZP-ja konfirmon se kandidati i vetëm për kryeministër nga LVV është Albin Kurti”, tha Kurteshi.
Kurse, nënkryetari i Vetëvendosjes, Glauk Konjufca, tha se Kurti është kandidati i vetëm i Vetëvendosjes për kryeministër.
Konjufca tha se Qeveria Kurti ishte qeverisja më e mirë për qytearët dhe për vendin nga pavarësia e Kosovës.
“Për sovranitetin e Kosovës, për ushtrinë, buxhetin, policinë, për sigurinë, dhe për të gjithë sektorët vital të jetës tonë insitucionale, publike e shoqërore janë të gjithë shumë më mirë tv organizuara se në vitin 2020 dhe më parë. Kemi marre vendime të guximshme si ndahet buxhet me shumv për fëmijë, nëna, pleqa, student”, tha Konjufca.
Pas fjalimit të Konjufcës, kryesuesja e Këshillit të Përgjithshëm të LVV-së, Arbërie Nagavci e hodhi në votim kandidaturën e vetme të Kurtit, ku tha se të gjithë të pranishmit votuan pro.
“Edhe pse deklarimet e të gjithëve ishin për, jam e detyruar të pyes a ka abstenim ose a është dikush kundër”, tha ajo.
