Shkruan: Mr. Magbule Xhemaili – Flasim me gjuhën e artit universal!
Ngjyra, emocione, ndjenja, energji dhe penelata që dalin nga shpirti, duke përjetësuar peisazhe vjeshte, kompozime dinamike me dominim të shprehjes ekspresive abstrakte, të cilat vijnë natyrshëm, si një harmoni specifike ngjyrash të vjeshtës, pastaj arti ilustrativ here – here, duke ndërlidhur tradicionalen me modernen për të vazhduar me momente e histori të fiksuara mureve të shtëpive të mjedisit tonë urban.
Vështrim kritik nga: Prof. Mr. Magbule Xhemaili-artiste krijuese
Tablotë e ekspozuara përfshijnë mediumet: vizatim, pikture e grafikë, duke mos anashkaluar njëherit modelimin e portretit në argjilë të realizuar pastaj në bronz, latimin në gur, deri tek skulptura moderne e realizuar në metal.
Artistët figurative, siç janë të veçantë në planin tematik të tillë janë edhe në rrafshin shprehimor, që fillon me figuracionin e shtrihet deri te arti abstrakt. Midis figuracionit dhe abstrakcionit janë të pranishme edhe artikulimet ekspresive simbolike, si dhe shprehje tjera që lidhen me artin strukturalist.
Metafora e artit në përgjithësi, ajo e artit figurativ në veçanti, është shkronjë ose alfabet, që buron nga mentaliteti i njeriut të mjedisit tone, e në të njejtën kohë është pjesë përbërëse e egzistencës së njeriut në përgjithësi.
Është e ditur që krijuesit figurativ flasin me gjuhën e artit universal. Ky fakt është një “privilegj” për artistët figurativ në përcasje me krijuesit e lëmive tjera të artit.
Shoqata e Arteve Pamore e Gjilanit (SHAP) bënë bashkë njëzet e pesë artistë nga komuna e Gjilanit, Bujanocit dhe Kamenicës. Shumica e tyre janë shqiptarë, ndërsa një artist është nga komuniteti pakicë, dhe një piktore franceze me banim në Gjilan.
Përmes projektit “Ekspozita shëtitëse”, edhe ne si shoqatë po synojmë të përmbushim një nga objektivat e AAVK-së, e cila përfshinë valorizimin e krijimtarisë artistike të artistëve të rinj dhe promovimin e tyre para publikut dhe komunitetit artistik kosovarë dhe jasht saj.
“Ekspozita Shëtitëse” në Gjilan, si pjesë e organizmit gjithëpërfshirës të projektit të Asiciacionit të Artistëve Vizuel të Kosovës – AAVK- projekt i cili si përfundim bënë bashkë në Galerinë e Artit në Tiranë shtatë qendrat: Prishtinë, Gjilan, Ferizaj, Mitrovicë, Prizren, Gjakovë dhe Pejë.
