“Rikthehet” prezantuesja Albana Osmani, me “Albana Osmani Show”
Pas tri vitesh ç’prej se është larguar nga ekrani, Albani Osmani ka vendosur të rikthehet me një format “ndryshe” nga e kaluara e karrierës së saj mediale.
Shih edhe: Vali RANCH – Resort & Congress Center – Gjilan
Ajo ka paralajmëruar se rikthimi do të ndodhë duke lansuar arsenalin e saj medial në rrjete sociale e platforma online, ku pretendon, synon e mëton njëkohësisht, të thyej klishetë e stereotipet mediale, për t’u rikthyer me debutim duke intervistuar veten, ose përgjigjur për veten, në vetën e parë!
“Show Must Go On! Në sfondin tim po konceptoj studion time, Albana Osmani Show – Youtube, pasi në këtë sezonë do nis programet e mia në kanalin tim në YouTube, si dhe Streaming në të gjitha platformat e mia online. Është gjithçka që kam dashur, dua, dhe do ri-vazhdoj të bëjë me gjithë forcën e pasionin”, ka shkruar ajo.
Prezantuesja e njohur 43 vjeçare, autore e bashkëautore e një sërë projektesh mediale, ka theksuar se nuk ka qenë zgjedhje e saj largimi nga TV.
“… Një gjë është e sigurtë: nuk ka qenë kurrë zgjedhja ime të largohem nga TV. U zbulova si talente dhe bëra historinë time në një tokë prodhuese e të bekuar për 18-vite, për gjysmën e jetës sime”, ka vijuar ajo në paralajmërimin medial për rikthim.
Albana Osmani vuri në pah se rikthimin do ta bëjë “ndryshe” nga ç’është pare më parë e dëgjuar deri tani, dhe atë jo në ekranet gjigante mediale, por në rrjete individuale sociale, në një format të veçantë debutues, me nje intervistë të saj për lexuesit e shikuesit e kanalit në Youtube e media të shkruara online.
“Një intervistë e parë krejtësisht e sinçertë, do të vijë me veten time. Për të gjitha pyetjet që më janë bërë këto 3 vite që kam qenë e distancuar nga TV. – Nëse ju keni pyetje mund të më shkruani – do jetë në konsideratë për intervistë ndaj meje. – Nëse keni një personazh që do të donit ta shikonit të trajtuar në një “exlusive” nga unë, ma sygjeroni. – Nëse doni të më bëni subscribe, bëjeni pa u menduar, duke hyrë në kanalin tim në YouTube, që mban emrin tim, https://youtube.com/@albanaosmani9161, pasi do jemi bashkë sërish dhe gjithmonë . Mirenjohje!”, ka përfunduar Osmani dedikin për fansat!
