Premiera e shfaqjes Amerikan Bufallo
Sot dhe nesër | e premte dhe e shtunë | 28 dhe 29 prill | n’Teatrin e Gjilanit | ora 20:00 | American Buffalo | nga David Mamet | regjisor Blendi Arifi | aktorë Jurgen Marku, Blendi Arifi, Florent Salihu | American Buffalo.
Një kryevepër e dramaturgjisë amerikane. Një vjedhje shkon keq akoma pa filluar mirë. Në qendër të veprës kemi Doni Dubrou një ish i burgosur i cili ka një dyqan vjetërsirash. E gjithë shfaqja zë vend në një dyqan vjetërsirash ku Doni takohet me miqtë e tij. Doni ka shitur një monedhë të rrallë me kokë bualli dhe ndihet sikur e ka shitur më pak nga se ajo e meriton dhe vendos ta rikthejë mbrapsht duke ja vjedhur koleksionistit që e bleu. Miku i tij, Profesori, duke manipuluar Donin futet në këtë punë në shikim të parë për interes. Nga aty planifikohet e gjithë vjedhja e monedhës dhe çdo gjë shkon keq.
Shfaqja është projekt individual nga Blendi Arifi, përkrahur nga Drejtoria e Kulturës dhe vjen premierë n’Teatrin e Gjilanit më 28 dhe 29 prill.
