Tabela në Superligë: Nga kjo xhiro përfiton Gjilani
Janë zhvilluar ndeshjet e javës 22-të të Albi MAll Superligës së Kosovës në Futboll.
Dy skuadrat lidere në pjesën e epërme tabelare, Ballkani e drita kanë lëshuar rastet e tyre për të inkasuar pikë të plota në ndeshjet e kësaj jave.
Në fakt FC Ballkani ka arritur vetëm një barazim në takim me FC Dukagjini në Therandë (1:1), ndërsa FC Drita ka pësuar disfatë të papritur në Ferizaj nga skuadra omonime (2:1).
Kjo xhiro, e 22-ta, u ka takuar dy skuadrave poashtu të pjesës së epërme të tabelës, SC Gjilani e FC Prishtina, të cilat ndonëse hyjnë në pjesën e ‘katërshes së madhe’, kanë ngecur në tabelë me distancë të konsiderueshme pikësh në krahasim me dy skuadrat pretendente për titull.
