Astrit Kryeziu, paraqitje impresive në gara të kompeticionit ndërkombëtar
Atleti i njohur, Astrit Kryeziu nga Rogana e Komunës së Kamenicës, njëherit anëtar i KA “Rogana”, bëri një paraqitje tejet pozitive në mitingun ndërkombëtarë “IFAM Indor Gent 2023”, në disciplinën 800 m. në sallë, duke shënuar rezultat 1. 50. 55, dhe grumbulloi 1065 pikë të IAAF-it.
Kjo ishte gara e parë e këtij sezoni dhe është një hap i mirë drejt garave që e presin atletin dhe sportistët Kosovarë të “Mbretëreshës së Sporteve”, gjatë këtij edicioni.
Njoftimin e ka bërë Zijadin kryeziu, trajjner i KA “Rogana”, përmes rrjeteve sociale:
“Falëminderit për mbështetjen dhe mikëpritjen z. Musa Hotit dhe z. Bart Sandres, që po na bëjnë të ndihemi si në shtëpinë tonë sa herë që jemi në Belgjikë, faleminderit sponsorit të klubit “BRICKOS” ShPK që është me ne dhe pranë nesh në çdo sukses që po arrijnë atletët tanë”, ka shkruar veç tjerash Zijadin kryeziu.
