Stanojkoviç: “Zgjidhja e situatës në veri është në dorën e z. Kurti, mendoj ai nuk do zgjidhje të shpejtë!”

Braktisja e institucioneve nga serbët në veri, barrikadat – Eskobar, Lajcak e Kurti dhe Vuçiç, kur do të kthehen serbët në institucione, kur do të hiqen barrikadat – Flet Ljubomir Stanojkoviç – politikolog nga Komuna e Gjilanit, ish deputet i Parlamentit të Kosovës.

Zhvillime të shumëta kanë ndodhur kohëve të fundit në skenën politike në Kosovë dhe Serbi, përkitazi me ngjarjet e fundit në veri. Madje ka pasur edhe vizita të ndryshme në Prishtinë e Beograd, sic ishin ato të z. Escobar e z. Lajcak, disa ditë më parë. Ndërsa situata në terren mbetet kaotike edhe pas një periudhe të gjatë kohore. E mysafirë në këtë intervistë është politikologu Kosovar nga komuniteti serb, Ljubomir Stanojkovic, ish deputet i Parlamentit të Kosovës. Me të do të flasim për një mori çështjesh përkitazi me zhvillimet e fundit në veriun e Kosovës, si dhe aspekte tjera.

TV Gjilani: Zotëri Stanojkoviç, si e shihni rrugëdaljen nga kjo situatë, nga njëra anë komuniteti serb përmes Listës Serbe, për t’u kthyer në institucione?
Ljubomir Stanojkovic: Nuk mendoj se është problem aq i madh. Nuk është problem i madh për faktin se dje dhe pardje kemi pasur vizitën e zotit Escobar dhe z. Lajçak. Nga deklaratat e tyre që patëm rastin t’i dëgjojmë, mendoj se mund të gjendet rrugëdalje nga kjo krizë në të cilën ndodhemi aktualisht.
Dhe, cila është arsyeja që Lista serbe dhe të gjithë ata që u larguan nga institucionet e Kosovës në Kuvend dhe nga institucionet komunale në veri të Kosovës, të kthehen në vendet e punës në pozitat e tyre, është i thjeshtë – një problem tashmë është zgjidhur. Ai me regjistrimin e automjetit mendoj se është zgjidhur.
Ky problem i më vonshëm që lindi, lidhur me arrestimin e zotit Pantiç, mendoj se është gjithashtu një problem i zgjidhshëm. Dhe shumë shkurt: le të fillojmë nga analogjia, nuk duhet të jesh një avokat i shkëlqyeshëm, askush nga ne nuk ka nevojë të njoh shumë ligjin këtu në Kosovë, që të dijë ta zgjidhë atë.
Kujtojmë – kemi pasur një situatë kur zotërinjtë e Vetëvendosjes kanë hyrë në grevë, në grevë kundër EULEKS-it e UNMIK-ut, por na kujtohet gjithashtu edhe kur futën gaz lotësjellës në Kuvendin e Kosovës.

Unë nuk e kam vërejtur që personat që e kanë bërë atë janë arrestuar automatikisht, dhe nuk kam vërejtur se janë ndaluar apo janë mbajtur 30 ditë në paraburgim. Shumë e thjeshtë: nëse veç gjykata ka marrë vendim dënues prej 30 ditësh, mendoj se Gjykata e Apelit mund ta anuloj dhe ta largoj, dhe mendoj që automatikisht problemi do të zgjidhej në masë të konsiderueshme!

TV Gjilani: Kthehemi në temën kryesore: Gabriel Escobar ishte në Prishtinë ditë më parë dhe po ashtu në Beograd. Ai ka deklaruar për Radion Evropa e Lirë dhe në të njëjtën kohë u ka bërë thirrje serbëve që të kthehen në institucionet e tyre. Nëse kryeministri Albin Kurti i thërret ata të kthehen, si mendoni, a do të kthehen dhe e kundërta: nëse kryeministri Kurti nuk i thërret të kthehen, si e shihni ju rrugëdaljen nga kjo situatë, dua të them, nga ky ngërç?

Stanojkovic: Para së gjithash, duhet të jemi realistë dhe të ndershëm. Në të gjitha këto, ndoshta pozicioni dhe mundësia kryesore për të dalë nga kjo situatë, para së gjithash është në dorën e zotit Kurti. Nuk jam i sigurt që zoti Kurti në këtë moment është në pozitë të tillë që dëshiron atë ta bëjë. Atij, së paku deri më tani, apo stili i tij, mënyra e deritanishme e menaxhimit të situatës nuk duket se shkon në drejtim te gjetjes së një kompromisi. Unë mendoj se kjo do të ishte mjaft mirë nëse do të bëhej. Por, stili i tij i punës është pak më ndryshe: ai merr një vendim, të cilin ju duhet ta pranoni. Kaq – kështu ishte deri tani. Ndoshta pas takimit me zotin Escobar dhe zotin Lajçak, pas vizitave e bisedimeve të fundit, ndoshta ai do të ndryshojë pak stilin e punës – por, nuk jam i sigurt. Pra, nuk besoj se do ta bëjë fare atë gjë z. Kurti. Nëse më pyesni mua: nuk mendoj se është fare ndikimi i zotit Kurti, megjithatë le të flasim për zotin Escobar, … Ai është… .

TV Gjilani: Unë do të doja vetëm të marr mendimin tuaj: Z. Kurti dha shumë shembuj se kur është fjala popullin serb në Kosovë, ai është i gatshëm për çdo marrëveshje apo diskutim në interes të tyre, por në kuadër të institucioneve të Kosovës.

Stanojkovic: Tani do t’iu them. E saktë eshte ajo që thoni. Mendoj që secili politikan të njejtën gjë thotë, kur ëhstë në pyetje raporti me një komunitet apo një tjetër. Porse, nuk e kam vërejtur tëe ai. Ai është pothuajse dy vjetë në krye të qeverisë. Nuk është kjo periudhë e shkurtë. Ai kaherë ka mundur të ketë një casje të tillë me komunitetin serb, shumë kohë më parë. Nëse do të ishte shumë e vështirë me komunitetin serb në veri, ai ka mundur pak a shumë ta bëjë me komunitetin serb në jug të Ibrit. Le të shohim se si duket biseda me komunitetin serb – si i dëgjon problemet e komunitetit serb, si i zgjidh ato – do të thotë se fillimisht duhet të dëgjojë dhe pastaj t’i zgjidhë ato. Kujtojmë: ai tha në start se me Listën Serbe nuk dëshiron dialog, nuk dëshiron t’i dëgjoj, nuk dëshiron të flasë dhe nuk do ndonjë marrëdhënie apo marrëveshje.

TV Gjilani: Por ai kishte arsyet e tij, kur tha?
Stanojkovic: Dëgjo, më lejoni t’ju them diçka: të gjithë kanë arsye, dhe të gjithë kanë arsye të caktuara, ndoshta edhe reale, kështu që nuk do të hyj në atë: ndoshta sipas tij ato janë arsye të vërteta, por realiteti është diçka krejtësisht ndryshe – ke dikë me të cilin doemos duhet të flasësh!
TV Gjilani: Pse?
Stanojkovic: Epo, e dini çfarë? Sado që të jetë i pakënaqur me qëndrimin e Listës Serbe, me të drejtë apo pa të drejtë, sido që ta kuptojmë, ai duhet të flasë me ta, duhet t’i respektojë.
TV Gjilani: Pse?
Stanojkovic: Epo, për arsye se, le të themi, 95%, 98% e votave të Komunitetit Serb kanë shkuar për Listën Serbe… Është e vërtetë, është e vërtetë…

TV Gjilani: Por nëse ato braktisen nga institucionet, atëherë?
Stanojkovic: Dëgjo, më lejoni t’ju them diçka. Edhe ajo është një mënyrë demokratike e luftës për mbrojtjen e të drejtave ose të disa interesave të dikujt. Dhe kjo është pikëpamja e disave. E dini? Le të kujtojmë edhe të dënuarit, si mbrohen. Epo, përmes grevës së urisë mbrohet.
Pra shfrytëzojeni mundësinë e avokatit, shfrytëzojeni mundësinë e ankimimit, shfrytëzojnë mundësinë e Gjykatës së Lartë. Çfarë u mbetet? Vetëm greva e urisë…. Pra, edhe ato janë disa mënyra demokratike, që të dërgojnë në realizimin ose mosrealizimin e të drejtave tuaja, apo disa interesave tuaja.

TV Gjilan: Situata në terren është e tillë që duhet të shikojmë edhe anën tjetër, për shembull politikën nga Beogradi që vjen nga zyra e presidentit Vuçiq: Shumë njerëz i shohin këto ngjarje si të qëllimshme dhe se Beogradi përdor serbët nga Kosova për të përmirësuar pozicionin e tij. për të ashtuquajturin “dialog i lehtësuar”: Si mendoni ju si politolog, sepse e di që mendimet ka rëndësi…

Stanojkovic: Tani do t’ju them një gjë. Kjo është diçka për të cilën unë flas, jo nga tani, por nga viti 1999. Duhet të kuptojmë një gjë: Problemi kryesor në Ballkan është e mbase Shqiptaro-serb. Dhe nëse shkojmë në thelb të zgjidhjes së problemit shqiptaro-serb në Ballkan, dhe këtë puyetje ta zgjidhim njëherë e përgjithmonë, këtë nuk munden vetëm sërbët nga Kosova. Apo serbët që kanë mbetur në Kosovë. Këtu duhet patjetër të përfshihet edhe Beogradi. Kjo është një çështje e vërtetë: pse të gjithë negociatorët që bisedojnë në Kosovë shkojnë edhe në Beograd kur diskutohet për Kosovën. Pra, po të mos ekzistonte ai problem, ata kurrë nuk do të kishin shkuar në Beograd, por do të kishin qëndruar pak këtu dhe do të flisnin me përfaqësuesit e komunitetit Serb dhe nuk do të shkonin fare në Beograd. Për këto arsye… tani mund të themi nëse Beogradi po abuzon apo jo, por fakti është se ne serbët e Kosovës nuk jemi në gjendje ta zgjidhim problemin në asnjë kuptim. Ne nuk kemi fare kapacitet për të diskutuar për këtë temë. Unë jam një person nga Kosova, poashtu jam mbase edhe me profesion politikolog, por nuk do ta pranoja kurrë një rol të tillë që unë të mund të zgjidhja problemin Shqiptaro-Serb, për arsye të thjeshtë: ky ëhstë jashtëzakonisht problem i madh, ëhstë jashtëzakonisht pyetje e madhe dhe zgjidhja e kësaj cështje mendoj se do të ndikonte që Balkani Perëndimor të niset në një kahje krejtësisht tjetër, në një drejtim shumë pozitiv.

TV Gjilani: Këtë do ta diskutojmë ndërkohë, por, Qeveria e Kosovës nuk e ka pranuar plotësisht planin e Bashkimit Evropian, domethënë kryeministri Kurti, planin e Lajçakut dhe Borelit, duke kërkuar që “në qendër të jetë njohja mes Kosovës dhe Serbisë”: Kështu e quajnë, kështu thonë ata… e në anën tjetër Qeveria e Serbisë e sheh si çështje kryesore formimin e asociacionit. Çfarë mendoni ju? Ka ndonjë alternativë apo opcion tjetër më të mirë sipas jush?
Stanojkovic: Tani do t’iu them një gjë. Le të shkojmë me radhë. Sapo u shfaq i ashtuquajturi propozim francezo-gjerman, gjëja e parë që u dëgjua nga Kosova ishte se ai “nuk pranohet”. Ky ishte reagimi i parë. Mirëpo, kur u bë e ditur se kishte reagime negative edhe në Beograd, papritmas, mbase jo drejtpërdrejtë z. Kurti, por kjo u dëgjua nga znj, Osmani apo zoti Konjuvca, se kjo është një bazë e mirë për bisedime.
Pas kësaj, prapë më duket se zoti Kurti tha se Beogradi është eksplicit dhe nuk e pranoi atë plan, të cilin dikush nga Bashkimi Evropian i ka thënë – ti nuk je zëdhënës i qeverisë serbe. Ata ende nuk kanë thënë asgjë… Mirëpo, zoti Kurti është nisur nga ato fakte që nuk janë të shkruara në këtë propozim, të cilat nuk i kemi dëgjuar nga askush në këtë punim, por ajo që konstatohet është se në këtë moment nuk po mendohet njohja de jure e Serbisë ndaj Kosovës. Z. Kurti e përdor këtë si fakte, më duket, – për të mos thënë propagandë – por pikënisja e tij nuk ishte vetëm tani, por nga më parë, fillimisht njohja reciproke dhe më pas gjithçka tjetër. Pra, fillimisht atë dhe pastaj gjithçka tjetër, derisa të shkojmë në perëndim, ata thonë “jo”! Le të shkojmë me normalizimin e marrëdhënieve, që të vendoset një jetë normale dhe marrëdhënie mes Beogradit dhe Prishtinës në çdo kuptim, ekonomik, kulturor, politik, sportiv dhe vetëm atëherë do të shkojmë në zgjidhjen e statusit përfundimtar.

TV Gjilani: Por tashmë janë 20 vjeç, kjo është situata, asgjë nuk po përmirësohet! …
Stanojkovic: Ju keni absolutisht të drejtë, dhe unë jam gjithashtu i mendimit se të gjitha këto probleme po zgjidhen shumë ngadalë. Sado që mendoj se ka një gabim të vogël nga ana e autoriteteve të Beogradit dhe Prishtinës, mendoj se ka një përgjegjësi dhe për pasojat, pra në Perëndim, që edhe ata nuk ishin vendimtarë dhe energjikë, që t’i detyrojnë bashkëbuiseduesit nga prishtina e Beogradi … .

TV Gjilani: Tani shihet se ka iniciativa të tjera. Si i shihni të gjitha?
Stanojkovic: Absolutisht jam dakord me ju: Edhe unë mendoj se problemet po zgjidhen tepër ngadal. nuk e di nëse ndikoi lufta në Ukrainë? Po, të gjithë mendojnë se lufta në Ukrainë ndikoi që çështja mes Beogradit dhe Prishtinës të mos mbyllet së shpejti. Ose, çdo problem i vogël mund të shkaktojë tensione, e ndoshta edhe një konflikt të mundshëm këtu në Kosovë. Mendoj se Perëndimi është shumë më i vendosur dhe energjik në zgjidhjen e problemit ndërmjet Beogradit dhe Prishtinës, dhe këto ardhje të shpeshta mund të themi se janë presione nga perëndimi, mendoj se bashkëbiseduesit kryesorë do të binden që ta zgjidhin këtë problem sa më shpejt. si dhe në çfarë mënyre – ka shumë probleme – përsëri mendoj se në këtë moment Prishtina është pengesë më e madhe se Beogradi. Mendoj se Beogradi e kupton mirë këtë. E kupton shumë mirë që, po të mos them tani në kuptimin politik, nuk e di çfarë fjale mund të përdor…

TV Gjilani: Edhe Prishtina mirë e kupton situatën… .
Stanojkovic: Unë shoh nga ana e opozitës Prishtinën, që vlerësohet se zoti Kurti është politikan kokëfortë. Që nuk shmanget nga qëndrimet dhe pozicionet të tij… .

TV Gjilani: Por shumë prej tyre, mendojnë se …
Stanojkovic: Ndoshta edhe ata mendojnë si ai, por ata (nga opozita), mendoj se do t’i zgjidhnin të gjitha çështjet në partneritet me ndërkombëtarët, ndërsa zoti Kurti gjithmonë mendon se duhet t’i zgjidhë vet, pa ndjekur ndërkombëtarët. domethënë që komuniteti ndërkombëtar duhet të ndjekë…

TV Gjilani: Z. Escobar ishte në Prishtinë dhe në Beograd dhe tha se qëndrimi i Shteteve të Bashkuara të Amerikës ndaj Kosovës është e njëjtë siç ka qenë gjithmonë. Dhe nuk ndryshon pa marrë parasysh ndonjë keçkuptim të mundshëm me asnjë qeveri në Kosovë. Kështu ai aludon për Qeverinë e z.Kurti. Në të njëjtën kohë, ai tha se në qendër duhet të jetë fillimisht Bashkimi Evropian: citoj: “Edhe për Kosovën edhe për Serbinë…”. Çfarë mendoni, kishte të drejtë sipas mendimit tuaj, sepse ai thotë edhe se: “i vetmi adut në këtë kohë është të vazhdohet me dialogun”. Cili është ai adut? Çfarë mendoni ju?

Stanojkovic: Unë do t’ju them tani. E dëgjova zotin Escobar. Nuk e kam dëgjuar në Radion Evropa e Lirë, por e kam dëgjuar RTS-në, kur dha një intervistë: nga rasti, të parafrazoj: Para se të zgjidhim statusin përfundimtar të marrëdhënieve ndërmjet Beogradit dhe Prishtinës, le ta zgjidhim atë brenda Ballkani Perëndimor, le të krijojmë një zonë të lirë ekonomike në Ballkanin Perëndimor, ku, si të thuash, disa gjëra do të zgjidheshin spontanisht, por së pari përmes disa masave dhe marrëdhënieve midis vetë vendeve këtu në Ballkanin Perëndimor, në mënyrë që fluksi i kapitalit, fluksi i punës, qarkullimi i mallrave do të bëhej më i lehtë dhe më i suksesshëm, dhe më pas automatikisht shumë gjëra përmes marrëdhënies së atyre, mendoj se statusi do të ishte shumë më i lehtë… .

TV Gjilani: Duhet gjetur diçka, ndonjë atu për të vazhduar bisedimet?
Stanojkovic: Nëse nuk shkojmë atje ku nuk mund të biem dakord, atëherë le të flasim për atë që mund të flasim. ka shumë gjëra ende të pazgjidhura, të cilat… .

Z. Kurti nuk e pranon atë Open Ballkan. Pra, cili është mendimi juaj? Po ju pyes si politolog, jo si politikan, sepse e di që keni një këndvështrim tjetër dhe një mendim të balancuar!?
Stanojkovic: Diçka do t’ju thotë: vetëm Kosova nuk e pranon Open Ballkanin. Në këtë moment, vetëm Kosova nuk e pranon rreptësisht dhe energjikisht Ballkanin e Hapur, kur bëhet fjalë për…

TV Gjilani: … Dhe Mali i Zi nuk pranon!?…
Stanojkovic: Unë do t’ju them tani. Rezerva ka në Bosnje dhe Mal të Zi. Kosova shprehimisht është kundër. Por, përsëri, kjo është kundër faktit se ideja ka ardhur nga zoti Vuçiq dhe zoti Rama. Por përsëri, le të jemi të sinqertë, zoti Rama nuk është politikan i preferuar në Kosovë, sic nuk është zoti Vuçiq. Dhe gjithçka që vjen prej tyre është automatikisht negative. Cka, politikanët e mencur do të shfrytëzonin secilën iniciativë që mund ta bënte më të lehtë jetën këtu në Ballkanin Perëndimor – duhet të pranohet. Mos prano atë që është negative, por prano atë që është pozitive…

TV Gjilani: Zoti Stanojkoviq, z. Kurti gjithmonë flet për faktin se edhe këto marrëveshje, bisedimet që janë arritur më parë, nuk janë realizuar deri në fund. Sa do të zgjasë kjo, deri kur?
Stanojkovic: Ajo që thashë pak më parë, që është – sido që të dukemi, ju e dini çfarë, ju keni dy anë të kundërta dhe gjithmonë shihet se kush do të jetë i pari. Kur ke dy palë të kundërta, të gjithë thonë “prit herën e parë të shoh palën tjetër, e palën e parë të shoh se çfarë do të bëjë pala tjetër, që unë të bëj diçka pastaj! Por, përsëri duhet të kuptojmë diçka: Beogradi ka bërë diçka të tmerrshme, që duket Prishtina nuk e kupton! Jo vetëm z. Kurti, por edhe të tjerët që ishin në pushtet në Kosovë: dhe kjo është heqja e Gjyqësorit dhe Mbrojtjes Civile në veri të Kosovës. Ai ishte një vendim jashtëzakonisht i madh, i cili, nëse flasim për pasojat e pushtetit në Beograd, për pasojat e nomenklaturës politike në pushtet në Serbi, ishte një humbje e madhe. Në anën tjetër, nuk morëm asgjë nga autoritetet e Kosovës si kundërpërgjigje ndaj një lëvizjeje të tillë të Beogradit. Tani, nuk kam qenë asnjëherë prezent në ato bisedime dhe nuk e di se për çfarë kanë qenë, por për mendimin tim, Prishtina duhet të bëjë një lloj lëshimi në mënyrë që, megjithatë, po e përsëris, mendoj se komuniteti ndërkombëtar nuk ishte mjaftueshëm vendimtar. dhe energjike për të gjitha këto.

TV Gjilani: Tani duket se Bashkësia Ndërkombëtare është më e vendosur. Kur do të hiqet ato barrikada?

Stanojkovic: Barrikada, pres sinqerisht, jam – më lejoni t’ju them, kam qenë shumë pesimist kur ishte 21 Nëntori, vërtet, çfarë ndodhi. Pra nuk ka pasur asgjë negative, pres që ankesa në Prishtinë së shpejti të marrë një vendim pozitiv për lirimin e z. Pantic nga paraburgimi dhe barrikadat të hiqen. Mendoj se mjafton vetëm ai ndryshim i vogël… . Është budallallëk të flasësh tani, nga ana politike dhe të ndikosh drejtësinë, por pse ka kaq shumë probleme, nëse jemi dëshmitarë që zoti Pantiç nuk akuzohet për asnjë vepër penale, të paktën nga sa kam informacione, ai nuk akuzohet për ndonjë gjë të rëndë, nga ana tjetër – të gjithë jemi dëshmitarë se ka probleme shëndetësore – ndaj pres që Gjykata ta lirojë në një të ardhme të afërt ose këto ditë dhe të hiqet barrikada automatike.

TV Gjilani: Pas vizitës së zotit Escobar, nuk do t’ju pyes nëse do të kthehet, por kur do të kthehen serbët në institucionet e Kosovës?
Stanojkovic: Epo, momenti i parë është ky, dhe unë mendoj se zotit Kurti po merrë edhe ca më shumë, jo obligime apo detyra, por, të them – sugjerime, se si dhe çfarë të bbëjë. Mendoj se gabimi i tmerrshëm ishte me zotin Rashiq. Nuk kishte nevojë të ngutej – vërtetë nuk kishte nevojë të ngutej me qenë se ai tashmë është emëruar ministër. Nuk jam i sigurt se ai do të paraqitett në ndonjërën nga komunat serbe së shpejti, e as nuk do të paraqitet në një të ardhme të afërt as nëpër komunat e udhëhequra serbe në anën jugore të lumit Ibër, pasi nuk do ta pranoj asnjëri nga kryetarët e këtyre komunave si ministër.
Ky ishte një gabim i tmerrshëm. Mendoj se tani do të jetë shumë më e lehtë të realizohen disa marrëveshje mes zotit Kurti dhe Listës Serbe… kjo duhet të ndohë patjetër. Në cfarë kuptimi apo se si do ta formulojnë, pasi gjithnjë ai dëshiron të shmangë termit “Lista Serbe”, por do të shkojë te Përfaqësuesit e Komunitetit Serb, çfarëdo qoftë, dhe mendoj se problemi do të zgjidhet lehtësisht… Mendoj se tani është vendimtare lirimi i zotit Pantic dhe automatikisht të gjitha problemet zgjidhen më lehtë.

TV Gjilani: Çfarë mendoni ju si personalitet intelektual, dhe cili është mendimi apo opinioni i shtresës intelektuale serbe apo opinionit Serb. A do të munden ndonjëherë serbët dhe shqiptarët të jetojnë në paqe dhe të respektojnë njëri-tjetrin, siç bëjnë fqinjët e mirë, pasi që të dy popujt jetojnë këtu dhe asnjëri nuk mund të lëvizë në një vend tjetër, në Afrikë apo Azi?
Stanojkovic: Keni bërë një pyetje jashtëzakonisht të mirë. Më duhet t’ju pranoj për këtë. Megjithatë dua të jem njeri realist, unë i ndjekë portalet shqiptare këtu në Kosovë, dhe flas me njerëz të thjeshtë. Kur flas me ata, njerëzit mendojnë një gjë, por kur ndjek portalet, kjo është … më duhet t’iu them se tani po flas vetëm për portalet në gjuhën shqipe, të kuptohemi: nuk po flas për atë që vjen nga portalet serbe.
Pra, kur lexoj portalet shqiptare unë ndalem më shumë në këtë: Ajo që ata mendojnë në Kosovë, ka më shumë fuqi. Dhe ato janë autoritetet e Prishtinës, dhe me portalet, televizionet, mediat e Kosovës në përgjithësi, shoh një ngarkesë jashtëzakonisht negative ndaj Serbisë dhe ndaj Beogradit. Kur ndryshon kjo klimë, kur mendojnë ndryshe në media, por kjo varet nga sjellja e autoriteteve qëndrore të Kosovës. Kur kjo të ndryshojë, do të ndryshojë edhe kjo. Edhe unë e ndjek punën e shoqërisë civile dhe përmes punës së shoqërisë civile nuk vërej asgjë në kuptimin që ajo duhet të jetë pozitive në marrëdhëniet mes serbëve dhe shqiptarëve. Ajo klimë duhet të ndryshojë, dhe pastaj të pritet… në rregull… klimë tjetër nuk vjen as nga Beogradi… Edhe nga aty vjen e njejta klimë. Pra njëri – tjetri i vënë zjarrin, por unë po flas nga pozita e Kosovës, sepse këtu jetoj dhe ndihem më mirë këtu.
TV Gjilani: Faleminderit për kohën tuaj:

Intervistoi: Xhemail Veseli