Presidenti Macron ngushëllon Mbappen
Kylian Mbappe e ka bërë Francën krenare me një paraqitje të jashtëzakonshme pavarësisht humbjes, ka thënë presidenti francez, Emmanuel Macron.
Pas mbarimit të ndeshjes dhe humbjes së Francës me penallti, presidenti francez e ka përqafuar futbollistin që shënoi tri gola dhe e ka ngushëlluar atë për humbjen. I pari i Francës ka treguar se çka i ka thënë.
“Mbappe është një lojtar shumë i madh, por është i ri, i thashë se është vetëm njëzet e tre vjeç. Ai ishte golashënuesi më i mirë në këtë Botëror. Ai fitoi një Kupë Bote më 2018. Isha po aq i mërzitur sa ai. Thashë se ai na bëri shumë krenarë dhe në fund humbëm një ndeshje futbolli. Ky është sport”, ka thënë Macron.
