𝐕𝐞𝐭𝐞𝐫𝐚𝐧ë𝐭 𝐞 F𝐮𝐭𝐛𝐨𝐥𝐥𝐢𝐭 𝐟𝐢𝐭𝐨𝐣𝐧ë 𝐭𝐮𝐫𝐧𝐞𝐮𝐧 𝐩ë𝐫 “𝐃𝐢𝐭ë𝐧 𝐎𝐥𝐢𝐦𝐩𝐢𝐤𝐞 𝟐𝟎𝟐𝟑”

Komiteti Olimpik i Kosovës (KOK) ka organizuar turneun e tretë të futbollit në shënimin e Javës dhe Ditës Olimpike 2023.

Fitues i turneut u shpall ekipi i Veteranëve të Futbollit, të cilët në finale fituan 1:0 ndaj Ministrisë për Kulturë, Rini e Sport.

Futbollisti më i mirë u shpall Sunaj Keçi i Veteranëve të Futbollit, ndërsa portieri më i mirë, Albin Sahiti i MKRS-së.

Kupën dhe medaljet për vendin e parë dhe të dytë u ndanë nga drejtuesit e KOK-ut, presidenti Ismet Krasniqi dhe nënpresidentët, Gazmend Maxhuni e Milaim Kelmendi.

Pjesëmarrëse ishin ekipet: KOK, MKRS, Gazetarët Sportivë, Veteranët e futbollit, Kolegji AAB, Zyra Kombëtare e Auditimit dhe Banka Kombëtare Tregtare.

KOK falënderon ekipet pjesëmarrëse, menaxhuesit e stadiumit “Ibrahim Gashi” në Taukbahçe të Prishtinës, gjyqtarët dhe vullnetarët për mbarëvajtjen e turneut.