ZYRTARE: Barcelona transferon talentin brazilian, klauzolë lirimi prej 500 milionë eurosh e 31 milionë bonuse
Barcelona ka zyrtarizuar blerjen e talentit 18-vjeçar, Vitor Roque.
Sulmuesi brazilian do t’i bashkohet klubit blaugranas më 2024, i cili ka nënshkruar kontratë deri më 2030/21.
Gazetari italian, Fabrizio Romano ndërkohë ka dhënë edhe disa detaje shtesë rreth këtij transferimi.
Sipas Romanos, Barcelona i ka vendosur lojtarit një klauzolë lirimi prej 500 milionë eurove.
Katalanasit do t’i paguajnë Paranaenses një tarifë fikse prej 30 milionë eurove, si dhe gjithashtu 31 milionë të tjera në bonuse, ku 26 milionë prej tyre kanë të bëjnë me performancat, golat dhe titujt e fituar, kurse 5 milionë të tjera nëse ai arrin të futet në Top 3-she të Topit të Artë përgjatë kësaj periudhe.
