![Zyra e BE-së njofton se të hënën diskutohet për situatën në Kosovë](https://tvgjilani.com/wp-content/uploads/2022/11/be-750x422-1.webp)
Zyra e BE-së njofton se të hënën diskutohet për situatën në Kosovë
Ministrat e Punëve të Jashtme të Bashkimit Evropian do të diskutojnë për situatën në Kosovë dhe tema të tjera aktuale në Ballkanin Perëndimor në një takim të rregullt të hënën.
![](https://tvgjilani.com/wp-content/uploads/2022/11/te-blertoni-banner-14.png)
Sipas njoftimit nga Zyra e BE-së, ministrat do të diskutojnë për marrëdhëniet ndërmjet Prishtinës dhe Beogradit, çështjen e konvertimit të targave dhe largimin e serbëve nga institucionet e Kosovës.
![](https://tvgjilani.com/wp-content/uploads/2024/04/vali-ranch-2.jpg)
Takimi i ministrave të BE-së gjithashtu është paraparë si përgatitje për samitin BE-Ballkani Perëndimor, i cili do të mbahet më 6 dhjetor në Tiranë të Shqipërisë.
Përfaqësuesi i Lartë i BE-së, Josep Borrell, njoftoi të premten për takimin që pati me kryeministrin e Kosovës, Albin Kurti, si dhe presidentin e Serbisë, Aleksandër Vuçiq, në Paris.
Borrell i kërkoi Kosovës themelimin e Asociacionit të komunave me shumicë serbe, ndërkaq nga serbët në Kosovë kërkoi rikthimin në institucione.
![](https://tvgjilani.com/wp-content/uploads/2023/11/libertas2.jpg)