Zhegrova prapë në stol, Tudor: Conceicao do të startojë kundër Milanit
Trajneri Igor Tudor ka konfirmuar se sulmuesi Francesco Conceicao do të jetë titullar në derbin ndaj AC Milanit.
Juventusi do të jetë nikoqir i Milanit, skuadër që po kalon formë të shkëlqyeshme këtë sezon nën urdhrat e Max Allegrit.
Kishte shpresë që ylli kosovar Zhegrova ta niste nga minuta e parë, meqenëse u la në stol në ndeshjen e fundit ndaj Villarreal, megjithatë anësori do të jetë vetëm opsion për të hyrë nga stoli.
Tudor për “DAZN” ka konfirmuar se portugezi do të nisë nga fillimi në derbin italian.
“Conceicao do të startojë sepse është lojtar i rëndësishëm. Zhegrova po punon mirë, ka problemet e tij me të cilat jemi duke punuar”.
Edon Zhegrova
“Ka qenë jashtë për një vit, po mundohet vazhdimisht dhe do të na ndihmojë”, deklaroi ai.
Zhegrova përndryshe është ftuar te Kosova për dy ndeshjet e muajit tetor, kundër Sllovenisë dhe Suedisë, pavarësisht spekulimeve se nuk do të jetë i pranishëm.
Kujtojmë, përballja mes Juventusit dhe AC Milanit do të zhvillohet të dielën me fillim nga ora 20:45.
