Zbulohet sa pritet të përfitojë Slavko Vinçiq për drejtimin e finales së Botërorit
Arbitri slloven Slavko Vinçiq pritet të arkëtojë rreth 60 mijë dollarë (afërsisht 52.500 euro) për drejtimin e finales së Kupës së Botës ndërmjet Spanjës dhe Argjentinës.
Sipas raportimit të gazetës sllovene Delo, kjo është pagesa e parashikuar vetëm për finalen, ndërsa fitimet e tij gjatë gjithë turneut mund të arrijnë deri në 140 mijë dollarë (rreth 120 mijë euro), duke përfshirë tarifën bazë, bonuset dhe kompensimet për ndeshjet e gjykuara.
Megjithatë, shuma përfundimtare mbetet e pakonfirmuar, pasi FIFA ende nuk ka bërë publike zyrtarisht pagesat e arbitrave për këtë edicion të Kupës së Botës.
Përveç shpërblimit për finalen, Vinçiq pritet të përfitojë edhe një tarifë fikse prej rreth 70 mijë dollarësh për pjesëmarrjen në turne. Gjithashtu, ai paguhet veçmas për çdo ndeshje të drejtuar, me rreth 3 mijë dollarë për takimet e fazës së grupeve dhe mbi 5 mijë dollarë për ndeshjet e fazës eliminatore.
