Xhaka pasi humbi finalen e Europa League: Nuk ishim të interesuar për rekordin e pamposhtur
Mesfushori i Bayer Leverkusenit, Granit Xhaka, ka reaguar pas humbjes 3-0 ndaj Atalantës në finalen e Ligës së Evropës të mërkurën mbrëma.
Ademola Lookman shënoi një hat-trick mahnitës, pasi skuadra e Serisë A fitoi vetëm trofeun e dytë në historinë e klubit.
Fitorja gjithashtu i dha fund serisë së Leverkusenit prej 51 ndeshjesh pa humbje nga viti i kaluar.
Xhaka, duke folur për RTL, tha: “Sinqerisht, ne nuk jemi të interesuar për rekordin e pamposhtur. Nuk na interesonte kjo që në fillim.
“Ka të bëjë me lojën dhe për fat të keq ne humbëm një finale sot. Ky është futbolli.
“Ne thamë dje se do të ishte një lojë e vështirë. Komplimente për Atalantën.”
Xhaka humbi edhe finalen e Europa League 2019 me Arsenalin.
