Vjen reagimi i LDK-së përkitazi me koalicionin në Vushtrri: “Nuk e kemi autorizuar Xhafer Tahirin për koalicion me VV-në, veprimi i tij s’ka vlerë”
Sot ne mëngjes, Xhafer Tahiri i LDK-së në cilësinë e avokatit mbrojtës shkoi në seancë gjyqësore me të akuzuarin për korrupsion, Faruk Mujkën e Lëvizjes Vetvendosje.
Pak orë pas përfundimit të seancës, një lajm i bujshëm bashkë me pamje e fotografi, erdhi nga qyteti i Vushtrrisë, ku z. Tahiri, u pa duke nënshkruar marrëveshje koalicioni me kandidatin e Vetëvendosjes për kryetar të Vushtrrisë, z.Sylejman Meholli.
Përmes një komunikate për shtyp, Lidhja Demokratike e Kosovës ka njoftuar anëtarësinë e saj se nuk ka autorizuar dhe nuk autorizon asnjë koalicion lokal pa procesin e procedurave që parashihen nga ky subject.
“Lidhja Demokratike e Kosovës njofton anëtarësinë e vet dhe publikun e gjërë se nuk ka autorizuar dhe nuk autorizon asnjë koalicion lokal pa ndjekur procedurat statutare të parties”, thuhet fillimisht në komunikatën e lëshuar për pubik nga LDK.
Më tej theksohet se kandidati për kryetar në Vushtrri, Xhafer tahiri, janë të papranueshme.
“Veprimet e kandidatit tonë në Vushtrri për të lidhur koalicion me një parti tjetër, janë veprime individuale, të papranueshme dhe në kundërshtim me procedurat statutare të Lidhjes Demokratike të Kosovës”.
Sipas njoftimitnë Komunikatë bëhet e ditur se LDK-ja pret që fillimisht të analizohet performanca e kandidatit dhe e Degës së Vushtrrisë, dhe pas këtyre hapave të marrë vendimet përkatëse.
“Veprimet e tjera, sikurse ky i sotmi, janë pa ndonjë vlerë dhe në kundërshtim me praktikën demokratike të LDK-së. Si të tilla, ato do të marrin trajtim procedural sipas Statutit pas përfundimit të garës lokale. LDK-ja tani është e fokusuar në garën e saj elektorale të balotazhit dhe jo në garën e partive tjera”, përfundon komunikata e LDK-së.
