Vjedhje në dy xhami në Gjilan, hajnat marrin arkat e bamirësisë
Xhamitë në qytete të ndryshme të Kosovës shpeshherë janë cak i hajnave, e që më tohet të vidhen kryesisht gjë rat me vlerë .
Cak i hajnave janë më së shumti arkat e ndihmave dhe kasafortat e mbushura me para.
Gjatë ditës së djeshme, Policia ka intervenuar në dy raste të ndara në Gjilan, pasi dy xhami ishin cak i hajnave.
Sic bë het e ditur, në xhaminë në rrugën ‘Kodra e Dëshmorëve’, persona ende të paidentifikuar kanë hyrë brenda objektit dhe kanë vjedhur një arkë e cila ishte destinuar për mbledhjen e të hollave për bamirësi.
Njësitë policore kanë dalë në vendin e ngjarjes për të kryer ekzaminimet e nevojshme që ndihmojnë në zbardhjen e rrethanave të rastit, teksa janë marrë të gjitha veprimet hetimore që çojnë në identifikimin e të dyshuarit.
Me urdhër të prokurorit, rasti është cilësuar ‘Vjedhje e rëndë’, ndërsa veprimet tjera ligjore do merren posa të kapet i dyshuari.
Po ashtu, në rastin tjetër që ka ndodhur në xhaminë e Zabelit të Sahit Agë s, në rrugën ‘Mustafë Kokaj’, hajnat kanë hapur me forcë kasafortën ku ndodheshin paratë që mblidheshin për qëllime bamirësie.
Nuk dihet shuma e parave të vjedhura, teksa në kuadër të veprimeve hetimore, Policia ka marrë edhe pamjet e kamerave të sigurisë, të cilat mund të ndihmojnë në identifikimin e të dyshuarve.
Prokurori i Shtetit ka urdhëruar që të nisin hetimet për veprën penale ‘Vjedhje e rëndë’.
