Vizita zyrtare e kryeministrit Kurti, rastisi me 14-vjetorin e njohjes së pavarësisë së Kosovës nga Norvegjia (28 mars 2008).

Gjatë vizitës zyrtare, që rastisi me 14-vjetorin e njohjes së pavarësisë së Kosovës nga Norvegjia (28 mars 2008), Albin Kurti takohet me homologun tim, kryeministrin Jonas Gahr Støre, i cili asokohe ishte ministër i jashtëm. Ndër të tjera kryeministri ka ftuar Kryeministrin Støre që ta vizitojë Kosovën, dhe bëri thirrje që të rritet bashkëpunimi ekonomik dhe shkëmbimet tregtare ndërmjet Kosovës dhe Norvegjisë.

Ndërkaq dje dhe sot ka takuar edhe ministren e Jashtme të Norvegjisë, Anniken Huitfeldt të cilën e falënderon për mbështetjen e pakursyer në çështje të sigurisë, të zhvillimit socio-ekonomik dhe për anëtarësimin e Kosovës në organizata ndërkombëtare. Në takimin me ministrin norvegjez të Naftës dhe Energjisë, Terje Aasland kryeministri e njofton për prioritet tona në fushën e energjisë dhe mundësitë e investimeve në këtë fushë në Kosovë. Me ministrin e Tregtisë dhe Industrisë, Jan Christian Vestre ka folur për burimet tona natyrore, rininë e talentuar dhe lokacionin e favorshëm gjeografik të Kosovës si parakusht për investime të huaja direkte, sidomos në sektorin e minierave.

Dhe me Presidentin e Konfederatës së Sindikatave norvegjeze, Peggy Hessen Følsvik dhe me Shefin e Departamentit Ndërkombëtar të Federatës së Punëdhënësve, Tore Myhre ka folur për rëndësinë që konkurrueshmëria e kompanive të zhvillohet paralelisht me të drejtat e punëtorëve.

Përvoja e Norvegjisë me investimin në edukim, për mirëqenie sociale dhe tash në ekonomi të gjelbër, është mësim i vlefshëm për të gjithë ata që duan një shoqëri barazimtare e me zhvillim të qëndrueshëm.

Në këtë vizitë ishte i shoqëruar nga ministri i Mbrojtjes, Armend Mehaj, zëvendësministrja e Arsimit, Shkencës, Teknologjisë dhe Inovacionit, Edona Maloku Bërdyna, zëvendësministrja e Punëve të Jashtme dhe Diasporës, Liza Gashi dhe këshilltari politik, Jeton Zulfaj./Mediakos/