Veteranët e UÇK-së nga Gjilani nisen të organizuar për protestën në Tiranë

Karvanit të gjatë të pjesëmarrësve nga Kosova në protestën e paraparë të mbahet sot në ora 17:00 në Tiranë, i janë bashkuar edhe veteranë të UÇK-së nga Gjilani, të cilat janë nisur drejt kryeqytetit shqiptar për të qenë pjesëmarrës në mbështetje të liderëve të UÇK-së në Hagë.

Veteranët dhe pjesëmarrës tjerë si pjesë e karvanit, gjegjësisht përfaqësues të Organizatës së Veteranëve të Luftës së Ushtrisë Çlirimtare të Kosovës (OVL-UÇK) nga Gjilani, sot janë nisur drejt Tiranës, për t’u bashkuar me protestën gjithëkombëtare në mbështetje të Hashim Thaçit, Kadri Veselit, Jakup Krasniqit, Rexhep Selimit dhe bashkëluftëtarëve të tyre që po përballen me gjykime në Hagë.

Në një postim të tyre në rrejte sociale, organizatorët kanë shkruar se kjo pjesëmarrje mbështetëse në protestë është është shenjë e qëndrueshme e unitetit kombëtar dhe respektit për luftën çlirimtare, ndërsa përfaqësuesit nga Gjilani theksuan se shpirti i luftës për liri dhe dinjitet kombëtar jeton ende.

“Gjilani, si gjithmonë, në ballë të qëndresës,  ngre zërin për të vërtetën e UÇK-së dhe për mbrojtjen e vlerave të luftës çlirimtare. Bashkë për drejtësi, bashkë për UÇK-në!”, u tha në deklaratën e tyre para nisjes.

Sot, bashkë me Organizatën e Veteranëve të Luftës së Ushtrisë Çlirimtare të Kosovës (OVL-UÇK), shokët tanë nga Gjilani u nisën drejt Tiranës, për t’u bashkuar me protestën gjithëkombëtare në mbështetje të liderëve të UÇK-së :Hashim Thaçi, Kadri Veseli, Jakup Krasniqi, Rexhep Selimi dhe të gjithë bashkëluftëtarëve të tyre që po përballen padrejtësisht me gjykime politike në Hagë.

Kjo pjesëmarrje është dëshmi e fortë se shpirti i luftës për liri dhe dinjitet kombëtar jeton ende.

Gjilani, si gjithmonë, në ballë të qëndresës, ngre zërin për të vërtetën e UÇK-së dhe për mbrojtjen e vlerave të luftës çlirimtare.

Bashkë për drejtësi, bashkë për UÇK-në!

!