Vdes pacienti i cili ra nga dritarja e Klinikës së Kirurgjisë Torakale në QKUK
Shërbimi Spitalor Klinik dhe Universitar i Kosovës (ShSKUK), ka njoftuar se ka ndërruar jetë pacienti i cili ka rënë sot nga dritarja e Klinikës së Kirurgjisë Torakale.
Në njoftimin e ShSKUK-së, thuhet se pacienti është hedhur nga dritarja dhe përkundër masave reanimatore dhe ndihmës së vazhdueshme për shkak të plagëve, pacienti nuk ka arritur të mbijetojë.
Njoftimi i plotë:
Qendra Klinike Universitare e Kosovës, njofton se nga ekipi mjekësor i Klinikës së Kirurgjisë Torakale, është njoftuar se sot në orët e mëngjesit, një pacient është hedhur nga dritarja e klinikës.
Menjëherë janë ndërmarrë masat e nevojshme për ofrimin e ndihmës mjekësore, por përkundër masave reanimatore dhe ndihmës së vazhdueshme nga stafi i Klinikës Emergjente me mjekë konsultantë nga klinikat e tjera, për shkak të plagëve, pacienti nuk ka arritur të mbijetojë.
Për rastin janë informuar organet policore dhe ato të hetuesisë, të cilat po merren me të.
