Vdes 21-vjeçarja e cila u godit nga treni në Lakrishte tri javë më parë
Sot në mëngjes ka humbur jetën 21-vjeçarja e cila të martën e 26 marsit u godit nga treni në lagjen Lakrishte në Prishtinë.
Kjo është konfirmuar për media nga shefi i intensivës pranë Qendrës Klinike Universitare të Kosovës, Shaqiri Uka.
I njëjti ka bërë të ditur se pacientja nuk ka arritur t’i përballojë plagët e marra.
“Është e vrëtetë, pacientja që ka pasur lëndime nga goditja e trenit, nuk ka arritur me i përballu plagët qe i ka marrë dhe sot në oret e hershme të mëngjesit ka ndërruar jetë”, tha Uka.
Shaqiri javë më parë pati bërë të ditur se 21-vjeçarja kishte lëndime në kokë, gjoks dhe qafë dhe vazhdonte të qëndronte e fjetur me barna.
“Lëndimet janë mjaftë serioze, vazhdon të mbetët edhe më tutje e fjetur me barna dhe e varur nga aparatura mjekësore. Një gjendje prezantohet për momentin të jetë relativisht stabile, përkundër asaj që lëndimet janë jashtëzakonisht shumë të rënda. Po pacientja e cila është e lënduar nga goditja e trenit është e moshës 21 vjeçare”, kishte thënë Uka.
Burimi i lajmit: /Reporteri.net/
