Vazhdon fushata e korrje-shirjeve në Kamenicë
Procesi i korrje-shirjeve është duke vazhduar në Komunën e Kamenicës. Ky proces ka filluar me korrjen e parcelave të mbjella me kulturën e Elbit, pastaj ka filluar edhe korrje – shirja e sipërfaqeve të mbjella me kulturën e Grurit.
Sipas të dhënave nga kombajnerët dhe fermerët deri më tani janë korrur rreth 675 ha. me Grurë (apo 45 %), kurse me Elb është korrur e tërë sipërfaqja që ka qenë e planifikuar për tu realizuar për këtë vit, me 80 ha.
Sipas komisionit për përcjelljen e procesit të korrje-shirjeve rendimenti i kulturave, këtë vit është pak më i ulët krahasuar me vitin e kaluar, pasi që këtë vit që nga fillimi i muajit Qershor nuk ka pasur të reshura të mjaftueshme të shiut.
Pas informatave nga tereni, dhe varësisht nga parcelat e fermerëve, për fillimin e korrje – shirjeve, rendimentet sillen rreth 3,500 -4,000 kg./ha. për Grurin , kurse te Elbi është 3,200 kg./ha.
