“Urban Bike 06”, me aventurë të re! – Kaloi 1300 km për 10 ditë!
Klubi i njohur Gjilanas “Urban Bike 06”, ka njoftuar se ka reaizuar një aventurë të jashtëzakonshme duke përshkuar një rrugëtim të gjatë që në total rezulton me 1300 kilometra të kaluara, shkruan TV Gjilani.
Kështu ka bërë të ditur Klubi “Urban Bike 06″ në faqen e tyre në platformën facebook, duke nënvizuar se udhëtimi ishte i ngjashëm me atë të vitit të kaluar, për të krijuar kësisoji një traditë të përvitshme në funksion të bërjes së kësaj ngjarje rekreative një aventurën tradicionale tani dhe në të ardhmen.
“Tour de Ballkan 2025” – Nga data 07.06.2025 deri më 16. 06. 2025, me organizimin e një grupi shokësh nga “Klubi Urban Bike 06” realizuam udhëtimin tashmë tradicional me biçikleta – TOUR DE BALLKAN 2025, ku përshkuam afër 1300 km në 10 ditë.
Ata kanë falënderuar bizneset që u kanë ndenjur afër ndërsa kanë potencuar se pa ndihmën e tyre nuk do të realizohej një atraksion I tillë joshës e tërheqës skajshmërisht!
“Ky aktivitet nuk do të ishte i mundur pa përkrahjen e sponsorëve tanë të çmuar: Elender, Agro Hermes, Bujana Group, Giga Group, Borovci Ndërtim Group ShPK, Danushi.com, Eni Design, Fron Park Shpk., Sëiss Invest, Rr. Cola kosova, Fromager Kosova, Mobi Casa-Gjilan, Resort PLANET Gjilan, Pilot Bike, si dhe disa miq të afërt që deshën të mbesin anonym”, kanë shkruar në njoftim.
LEXO EDHE:
Edhe këtë herë për përkrahje logjistike u kujdes Fehmi Haziri, ndërsa nuk ka munguar përkrahja e miqëve, kolegëve e qytetarëve të ndryshëm, të cilët I kanë falënderuar për besimin dhe dashurinë ndaj sportit e rekreacionit!
“Pedalojmë bashkë, forcojmë miqësine tonë dhe krijojmë kujtime që zgjasin përjetë! – Një falënderim i veçantë shkon për pjesmarrësit që edhe kësaj radhe ma besuan planifikimin si dhe organizimin e Tour de Ballkan”, ka shkruar njëri nga aketrët e kësaj ngjarje, Fatmir Veseli.
Z. Veseli për TV Gjilani ka njoftuar se distanca e shprehur në kilometra është planifikuar para nisjes, ndërsa ka shtuar se rrugëtimi ka zgjatur edhe më shumë sesa ishte planifikuar pasi grupi ka vizituar vende të ndryshme e lokacione të rëndësishme në trojet etnike, në qytete e shtete përkatëse.
“Sikur çdo rrugëtim edhe ky ka pas probleme të vogla teknike si shkak i asfaltit jo edhe aq të mirë. Fjetja ka qenë e organizuar dhe aranzhuar nëpër bujtina ose hotele, varësisht sesi janë kontraktuar paraprakisht, për tërë ekipin e “itinerarit”. Për komplet ekipin”, ka treguar Veseli.
Ai në fund ka saktësuar se pritja nga banorët lokal dhe turistët që kanë takuar gjatë rrugës, ka qenë shume e mirë. Sipas tij, Burreli në Shqipëri dhe Kumanova në Maqedoni të Veriut kanë qenë qytetet që janë vecuar sa i përket pritjes, ndërsa pothuajse në fund të rrugëtimit, janë ndaluar edhe në qytezën e Bujanocit, ku janë mirëprtiur si cdo herë me derë hapur, tek hotel Rozafa.
