Universiteti “Kadri Zeka”, partneritet bashkëpunimi me Universitetin e Kastamonus nga Turqia
Universiteti “Kadri Zeka” do të jetë pjesë e projektit KA171 ICM, Erasmus +, në partneritet me Universitetin e Kastamonus nga Turqia.
Programi Erasmus + KA171 ose Shkëmbimi afatshkurtër dhe afatgjatë i stafit dhe studentëve është një program i mobilitetit plotësisht i financuar nga Komisioni Evropian, që mundëson shkëmbimin e studentëve, stafit mësimdhënës dhe jo-mësimdhënës midis Universitetit të Kastamonus dhe Universitetit Publik “Kadri Zeka” në Gjilan.
ICM Erasmus + mundëson shkëmbimin e stafit dhe të studentëve nga Universiteti “Kadri Zeka”, Gjilan për studim dhe trajnim / veprimtari nga të gjitha njësitë akademike dhe administrative të UKZ-së.
Në kuadër të këtij projekti gjithashtu shpejt do të hapet thirrja për aplikim për shkëmbim të stafit në Universitetin “Kastamonu”, në Turqi.
Sukseset në bashkëpunimin ndërkombëtar vetëm po rriten dhe nuk do të ndalen edhe në të ardhmen.
