UKZ mirëpret delegacionin e PH Zug
Universiteti Publik “Kadri Zeka” në Gjilan ka pritur një delegacion nga PH Zug (Zvicër), i cili gjatë kësaj jave do të zhvilloi një sërë aktivitetesh në kuadër të organizimit të përbashkët akademike.
Fillimisht u zhvillua një takimi mes Rektorit të UKZ-së, Prof. Asoc. Dr. Artan Dërmaku dhe Rektores së PH Zug, Prof. Dr. Esther Kamm ku u diskutua mbi partneritetin dhe bashkëpunimin e ardhshëm mes dy institucioneve.
Aktivitetet vijuan me hapjen zyrtare të punëtorisë. Në fjalën përshëndetëse Prof. Asoc. Dr. Artan Dërmaku Rektori i UKZ-së tha se është kënaqësi e veçantë që sot mirëpresim në Gjilan miqtë tanë nga Zvicra. Kjo vizitë është dëshmi e vullnetit tonë të përbashkët për të ndërtuar ura bashkëpunimi në arsim, shkencë dhe kulturë. Retkori tha se ne besojmë se shkëmbimi i përvojave mes institucioneve tona do të sjellë risi në përgatitjen e mësimdhënësve dhe në ngritjen e cilësisë së studimeve në UKZ.
Rektorja e PH Zug, Prof. Dr. Esther Kamm, tha se për te dhe delegacionin e saj është nder të jemi sot këtu. Bashkëpunimi ynë me Universitetin Publik “Kadri Zeka” është një mundësi e jashtëzakonshme për të ndarë praktikat më të mira, për të mësuar nga njëri-tjetri dhe për të ndërtuar projekte të përbashkëta që do të përfitojnë studentët tanë. Sot, më shumë se kurrë, na nevojiten partneritete të tilla për të përballuar sfidat e arsimit në epokën digjitale, tha nër tjerash rektorja Kamm.
Dekani i Fakultetit të Edukimit, Prof. Dr. Merxhan Avdyli, tha se Fakulteti i Edukimit është i përkushtuar që studentët tanë të përgatiten si mësimdhënës të aftë, të përgjegjshëm dhe inovativë. Kjo punëtori është një hap i rëndësishëm drejt fuqizimit të rolit të edukatorëve në shoqërinë tonë. Duke ndarë praktikat me PH Zug, ne do të mund të pasurojmë kurrikulat tona dhe të ofrojmë përvoja të reja për studentët dhe mësimdhënësit, tha Dekani Avdyli.
Prorektori për Marrëdhënie Ndërkombëtare dhe Projekte, Prof. Dr. Dukagjin Leka, tha se për ne është me rëndësi të veçantë që ky bashkëpunim të vazhdojë në nivele tjera, sikurse janë projektet konkrete të shkëmbimeve studentore, stafit, mësimdhënësve të shkollave të Gjilanit, si dhe organizimi i aktivitete tjera kërkimore të përbashkëta. Ai theksoi se ne synojmë që UKZ të jetë një qendër që lidhet ngushtë me universitetet evropiane dhe PH Zug është një partner kyç në këtë rrugëtim. Prorektori Leka shtoi gjithashtu se ky bashkëpunim do të krijojë ura të qëndrueshme komunikimi akademik dhe do të hapë mundësi të reja për zhvillimin e kapaciteteve ndërkombëtare të universitetit dhe të rajonit.
Ndërkohë temat kryesore të punëtorisë së ditës së sotme përfshinin fleksibilizimin dhe individualizimin e programeve studimore. Prof. Thomas Zurfluh në një lidhje direkte-online, prezantoi temën për qasjen e “Kompetencave digjitale dhe shkencën e hapur”, “Shkrim-leximin në AI për mësimdhënësit e së ardhmes: një qasje ndërdisiplinore”. Po ashtu pati edhe diskutim se si të përdoret inteligjenca artificiale në arsimin e lartë, çfarë do të thotë AI për vlerësimet, sidomos për punimet e diplomës bachelor dhe master. Kurse Prof. Asoc. Dr. Lindita Nebiu u paraqit me temën “Zbatimi i mjeteve të Intelegjencës Artificiale në mësimdhënie në fushën e Shkencave Kompjuterike. Ajo solli perspektiva praktike për rolin e AI në mësimdhënie dhe vlerësim.
Vizita e Delegacionit nga PH Zug do të vazhdoje me aktivitete të tjera të cilat janë paraparë të mbahen gjatë gjithë javës.
