Ukraina bojkoton Botërorin e xhudos për shkak të atletëve rusë
Xhudistët ukrainas nuk do të marrin pjesë në Kampionatin Botëror të Xhudos të këtij muaji në Katar, pas vendimit të Federatës Ndërkombëtare të Xhudos (IJF) për të pranuar rusët dhe bjellorusët si neutralë, ka thënë Federata e Xhudos e Ukrainës.
Komiteti Olimpik Ndërkombëtar (IOC) muajin e kaluar rekomandoi që atletët nga të dy vendet të lejohen të kthehen në garat ndërkombëtare si sportistë neutralë.
IJF javën e kaluar njoftoi se do të lejojë xhudistët nga Rusia dhe Bjellorusia të marrin pjesë në kampionatin e 7-14 majit, duke thënë se vendimi i saj do të lejojë rusët dhe bjellorusët të marrin pjesë në kualifikimet për Lojërat Olimpike 2024 në Paris.
Rekomandimet e IOC përjashtojnë atletët që mbështesin luftën ose janë të kontraktuar me agjencitë ushtarake ose kombëtare të sigurisë. IJF ka thënë se ka angazhuar një kompani të pavarur për të kryer kontrolle dhe për të identifikuar ndonjë atletë të tillë.
