U pensionua Xhevat Aliu, ish-mësimdhënës, drejtor i gjimnazit dhe i Entit për Punësim
Është pensionuar sot Drejtori i Entit për punësim në Gjilan, Xhevat Aliu.
Ai është vlerësuar nga kolegët për angazhimin e madh, ndershmërinë dhe profesionalizmin e lartë të treguar, gjatë shërbimit shumëvjeçar në administratën komunale.
Biografia e Xhevat Aliu:
Xhevat Aliu është i lindur me 4 prill të vitit 1958 në fshatin Manjec, paralagje e fshatit Hodonoc, Komuna e Kamenicës. Shkollën fillore e ka mbaruar në Breznicë të mesmen në Gjimnazin Zenel Hajdini, në Gjilan.
Ka studiuar në Fakultetin Filozofik dega e Gjeografisë në kuadër të Fakultetit të Shkencave Matematiko – Natyrore në Universitetin e Prishtinës në vitin 1983.
Xhevati është i martuar dhe është baba i 3 fëmijëve. Mbi 17 vite ka punuar profesor në gjimnazin Zenel Hajdini, ku ka kryer detyra të rëndësishme.
Ai ishte anëtar i Komisionit komunal per arsim gjate kohes se okupimit, nenkryetar i Keshillit Komunal per ndihma emergjente gjate kohes se luftes.
Ishte drejtor i Gjimnazit Zenel Hajdini për dy vite, nga viti 2001 deri në vitin 2003, ku ka dhënë kontribut të lakmueshëm në stabilizimin e gjendjes në këtë vatër të njohur të diturisë. Gjatë asaj periudhe, sa ka qene Drejtor i Gjimnazit, ka realizuar projektin e meremetimit të objektit të shkollës, të financuar nga USAID, në vlerë mbi 400.000 $.
Nga viti 2003 ka kaluar në pozitën e drejtorit të Qendrës Rajonale për Punësim në Gjilan, të cilën detyrë e ka ushtruar deri më sot, 3 prill 2023.
Në këtë institucion ka arritur rezultate shumë të mira. Në vitin 2005 nga Ministria e Punës dhe Mirëqenies Sociale është emëruar si një ndër punëtoret më të mirë të kësaj Ministrie.
Gjatë gjithë karrierës së tij, kudo që ka punuar dhe vepruar, është munduar që me përkushtim dhe ndershmëri të lartë t’i kryej detyrat të cilat i janë besuar.
Ai, xhevat Aliu, është shembulli më i mirë i punëtorit arsimor jo vetëm me ditar, por edhe si udhëheqës në krye të gjimnazit sa ishte, por duke mos anashkaluar edhe gjithë vitet pasuese në institucionin ku edhe është pensionuar, në Entin për Punësim në Gjilan.
