Trump i bën thirrje Kanadasë të bëhet shteti i 51-të i ShBA-së: Tarifat do të zhdukeshin për kanadezët
Në postimin e bërë në “Truth Social Media”, Presidenti amerikan, Donald i ka bërë thirrje Kanadasë që të bëhet shtetit i 51-të i Shteteve të Bashkuara të Amerikës, përcjell Gazeta Online Reporteri.net.
Që nga kthimi për mandatin e tij të dytë si president, Trump ka sugjeruar shpesh se ai dëshiron që Kanadaja të bashkohet me 50 shtetet e tjera të Amerikës dhe të bëhet pjesë e SHBA.
“Ne po e subvencionojmë Kanadanë në shumën prej më shumë se 200 miliardë dollarë në vit. PSE??? Kjo nuk mund të vazhdojë. E vetmja gjë që ka kuptim është që Kanadaja të bëhet shteti ynë i dashur i pesëdhjetë e një.”
Presidenti amerikan thotë se një veprim i tillë do të bënte që të gjitha tarifat të “zhdukeshin”, do t’i bënte kanadezët më të sigurt dhe do të ulnin taksat në vend.
Ai vazhdon duke thënë se kjo do ta bënte “kombin më të madh dhe më të fuqishëm” edhe “më të fortë” dhe do të fshinte “vijën artificiale” që ndan dy kombet.
Kanadezët kanë refuzuar vazhdimisht sugjerimin për t’u bashkuar me SHBA.
Javën e kaluar, ministrja e Jashtme Mélanie Joly i tha BBC Newsnight se ajo i merr vërejtjet e Trump “shumë seriozisht”.
Dhe, kryeministri i ardhshëm Mark Carney iu përgjigj kërcënimeve për aneksim, gjatë fjalimit të tij të fitores, duke thënë: “Kanadaja nuk do të jetë kurrë pjesë e Amerikës”.
