Tregimi për miliarderin e parë të njerëzimit, magnatin John D Rockefeller
John D Rockefeller ishte manjati më i lartë i naftës i shekullit të 19-të dhe vendimet e tij të zgjuara të biznesit e bënë atë jashtëzakonisht të pasur.
John D. Rockfeller ishte dikur njeriu më i pasur në botë. Miliarderi i parë në botë, në moshën 25-vjeçare kontrollonte një nga rafineritë më të mëdha të naftës në SHBA. Në moshën 31-vjeçare ishte bërë rafineri më i madh i naftës në botë. Në moshën 38-vjeçare komandonte 90% të naftës së rafinuar në SHBA! Në moshën 50-vjeçare, ai ishte njeriu më i pasur në vend. Si i ri, çdo vendim, qëndrim e marrëdhënie dukej se ishte përshtatur për të krijuar fuqinë dhe pasurinë e tij personale.
Por në moshën 53-vjeçare u sëmur. I gjithë trupi i tij u mbërthye nga dhimbja. Miliarderi i vetëm në botë mund të blinte gjithçka që donte, por stomaku i tij mund te treste vet ëm supë. Një bashkëpunëtor i tij shkroi: ai nuk mund të flinte, nuk buzëqeshte dhe nuk fliste. Mjekët e tij personalë dhe shumë të aftë parashikuan se ai do të vdiste brenda një viti. Ai vit kaloi ngadalë-ngadalë.
Teksa i afrohej vdekjes, ai u zgjua një mëngjes me kuptimin e paqartë se nuk ishte në gjendje të merrte me vete asngjë nga pasuria e tij në botën tjetër. Njeriu që mund të kontrollonte botën e biznesit papritmas kuptoi se nuk kishte në kontroll jetën e tij.
Ai mbeti me një zgjedhje: thirri avokatët, kontabilistët dhe menaxherët dhe njoftoi se donte t’i dhuronte një pjesë të pasurisë në spitale, kërkime dhe punë bamirësie. Kësisoji, John D. Rockefeller themeloi Fondacionin e tij.
Ky drejtim i ri përfundimisht çoi në zbulimin e penicilinës, kurën e malarjes, tuberkulozit dhe difterisë. Por ndoshta pjesa më e mahnitshme e historisë së Rockefeller është se në momentin që ai filloi të kthente një pjesë të gjithçkaje që kishte fituar, kimia e trupit të tij u ndryshua aq shpejt, sa ai u bë më mirë dhe ishte krejt e pabesueshme – dukej sikur ai do të vdiste në moshën 53-vjeçare, por jetoi deri në 98.
Rockefeller mësoi mirënjohjen dhe dhuroi edhe një pjesë tjetër të pasurisë. Para vdekjes së tij, ai kishte shkruar në ditarin e tij: “Zoti më mësoi se gjithçka i përket Atij …” (John Davison Rockefeller.)
