Tre matematikan të rinj gjilanas, përzgjedhen në ekipet përfaqësuese të Kosovës
Tre garues nga Komuna e Gjilanit, nxënës të Gjimnazit Natyror “Xhavit Ahmeti” në Gjilan, vazhduan traditën e sukseseve të gjilanasve nē garat e matematikës, ka njoftuar prof. Festim Shkodra.
Sipas prof. Shkodra, ata u përzgjodhën në ekipet përfaqësuese të Kosovës, pas një varg garash dhe testimesh të organizuara nga Shoqata e Matematikanëve të Kosovës (ShMK).
Lokali ka 60 m², i përshtatshëm e ideal për çdo lloj veprimtarie. Info: Tel – 044 659 392
“Matematikanja e re gjilanase Era Jonuzi, nxënëse e klasës së XI në Gjimnazin Natyror “Xhavit Ahmeti” në Gjilan, arriti të përzgjedhet në ekipin 4 anëtarësh të Kosovës, që do të përfaqësojë shtetin tonë në Olimpiadën Matematike Evropiane për Vajza – EGMO 2023, që sivjet do të mbahet në Slloveni më 13-19 prill 2023”, tha Shkodra.
“Poashtu edhe matematikanët e rinj gjilanas: Lum Jerliu dhe Olt Imeri, maturantë të Gjimnazit Natyror “Xhavit Ahmeti në Gjilan, arritën të përzgjedhen në ekipin 6 anëtarësh të Kosovës, që do të përfaqësojë shtetin tonë në Olimpiadën Matematike Ndërkombëtare – IMO 2023, që sivjet do të mbahet në Japoni më 02-13 korrik 2023”, shtoi tutje Prof. Festim Shkodra.
