Tre garues nga ekipi i Komunës së Gjilanit kualifikohen në TST 2023
Shoqata e Matematikanëve të Kosovës (ShMK) më 8.12.2022 në Prishtinë, shpalli rezultatet përfundimtare të Olimpiadës së XV Matematike të Kosovës – OMK 2023.
Nga: Festim Shkodra, koordinator i ekipit
OMK 2023, u mbajt më 3. 12. 2022 në Prishtinë. Tre garues të ekipit të Komunës së Gjilanit në këtë olimpiadë, nxënës të Gjimnazit Natyror “Xhavit Ahmeti” në Gjilan, zunë vende të pesta në OMK 2023. Këta fitues janë: Era Januzi, kl. XI; Lum Jerliu, kl. XII dhe Olt Imeri, kl. XII.
Me këtë rast, ata fituan të drejtën të marrin pjesë në testin seleksionues TST 2023, për përzgjedhjen e ekipit 6-anëtarësh të Kosovës, që do të marrë pjesë në Olimpiadën Ndërkombëtare të Matematikës – IMO 2023, që do të mbahet në korrik të vitit 2023, në Japoni.
