Trajneri i Dritës e pranon: Viktoria Plzen është favorite
Trajneri i Dritës, Akis Vavalis thotë se Viktoria Plzen është favorite por premton se do t’i shkaktojnë telashe çekëve.
Vavalis thotë se Viktoria Plzen është favorite por premton se do t’i shkaktojnë telashe çekëve.
“Nesër ballafaqohemi me një kundërshtar shumë të mirë. Viktoria është klub me histori të madhe që luan pothuajse çdo vit në grupe të garave evropiane. Vitin e kaluar ka arritur shumë suksese dhe shumë ekipe të mëdha kanë hasur në vështirësi kundër Viktorias. E respektojmë shumë Viktorian dhe e dimë që ata janë favoritët në këtë ndeshje. Por edhe klubi ynë Drita po luan çdo vit në kualifikime të garave evropiane dhe i ka shkaktuar telashe shumë skuadrave të mëdha këtë e presim edhe nesër, të kemi një paraqitje shumë të mirë”, tha trajneri.
Ndeshja e parë mes skuadrës çeke dhe kosovare zhvillohet më 27 korrik në Çeki, kurse më 3 gusht në ‘Fadil Vokrri’.
