Tetë gola dhe dramë në minutat shtesë në debutimin e Edon Zhegrovës, Juve shpëton në fund ndaj Borussia Dortmundit
Juventusi dhe Borussia Dortmundi zhvilluan një përballje dramatike në “Allianz Stadium”, ku me rezultat 4-4 ndanë pikët, në ndeshjen hapëse të fazës së grupeve të Ligës së Kampionëve, ku për klubin italian debutoi Edon Zhegrova.
Pjesa e parë kaloi pa raste serioze nga të dyja skuadrat, duke lënë shifrat e bardha 0-0. Megjithatë, pjesa e dytë ishte e mbushur me gola dhe emocione.
Në minutën e 52-të, Karim Adeyemi zhbllokoi ndeshjen me një goditje të saktë në cepin e poshtëm të portës, pas një asistimi nga Serhou Guirassy.
Reagimi i Juventusit erdhi pas 11 minutash, kur Kenan Yildiz shënoi një supergol nga jashtë zonës duke barazuar rezultati në 1-1.
Kenan Yildiz në aksion
Por Dortmundi nuk u ndal. Në minutën e 65-të, Felix Nmecha gjeti rrjetën me një goditje të fuqishme nga distanca, duke e rikthyer avantazhin për verdhezinjtë në 2-1.
Vetëm dy minuta më vonë, Dusan Vlahovic u shërbye nga Yildiz dhe realizoi me një goditje precize, duke barazuar përsëri shifrat në 2-2.
Megjithatë, Borussia Dortmundi tregoi forcën në repartin ofensiv, duke përfituar edhe nga gabimet e lojtarëve të Juventusit. Yan Couto shënoi një gol të bukur nga jashtë zonës në minutën e 74-të, duke e çuar rezultatin në 3-2.
Borussia Dortmund duke festuar golin e tretë
Në minutën e 83-të, pas një prekje me dorë të Lloyd Kelly në zonë, gjermanët fituan penallti, të cilën e shndërroi në gol Ramy Bensebaini për 4:-2, duke u menduar se vulosi fitoren e skuadrës së Edin Terzic.
Një moment i rëndësishëm për “Zonjën e Vjetër” ishte debutimi i Edon Zhegrovës, i cili u fut në lojë në minutën e 86-të, duke shënuar paraqitjen e tij të parë me fanellën bardhezi në Ligën e Kampionëve, duke i dhënë fat skuadrës.
Juventus
Fillimisht Vlahovic shënoi një super-gol me vole për 4-2 në minutën e 90+4, ndërsa vetëm dy minuta më pas Lloyd Kelly barazoi me kokë, duke e çuar rezultatin në 4:4 dhe duke vulosur një mbrëmje magjike në “Allianz Stadium”. Juventusi dhe Borussia Dortmund ndajnë pikët në ndeshjen hapëse të fazës së ligës në Ligën e Kampionëve. /Telegrafi/
