Tërmet në Shqipëri
Një tërmet me magnitudë 3.0 të shkallës Rihter është regjistruar në Shqipëri këtë të shtunë.
Sipas Institutit të Gjeoshkencave, Energjisë, Ujit dhe Mjedisit (IGJEUM), epiqendra e tërmetit është lokalizuar 9 kilometra në veri-veriperëndim të Tiranës, në një thellësi prej 15 kilometrash.
Lëkundjet janë ndjerë lehtë në kryeqytet dhe zonat përreth, por nuk raportohet për dëme materiale apo të lënduar. Tërmeti i parë është shoqëruar edhe nga një lëkundje e dytë më e lehtë me magnitudë 2 të shkallës rihter.
