Temperaturat e larta në Kosovë, Ministria e Shëndetësisë bën thirrje për kujdes

Ministria e Shëndetësisë (MSh) u ka bërë thirrje qytetarëve që të kenë kujdes nga temperaturat e larta të cilat kanë përfshirë Kosovën.

MSh përmes një postim në rrjetin social Facebook ka kërkuar nga qytetarët që tu  përmbahen rekomandimeve të Institutit Kombëtar të Shëndetësisë Publike (IKShPK),

“Ministria e Shëndetësisë u ka bërë thirrje qytetarëve që të kenë kujdes nga temperaturat e larta të cilat kanë përfshirë Kosovën. Kjo ministri ka apeluar tek qytetarët që tu përmbahen rekomandimeve të saj dhe Institutit Kombëtar të Shëndetësisë Publike”, thuhet në njoftim.

Disa nga rekomandimet e Ministrisë së Shëndetësisë për qytetarët janë këto:

• Pini ujë rregullisht

• Të paktën 1 gotë në orë dhe 2-3 litra në ditë
• Vishuni me rroba të lehta dhe me ngjyra të hapura
• -Mbajeni shtëpinë tuaj të freskët
• -Qëndroni larg të nxehtit
• -Përdorni krem mbrojtës ndaj diellit
• -Shmangni ekspozimin direkt në diell, nga ora 10:00 deri në ora 17:00
• -Limito sasinë e kafeinës dhe alkoolit
• -Nëse keni shenja si: marramendje, djersitje, të vjella, konfuzion, etj, ju lutemi drejtohuni për ndihmë mjekësore në Qendrën më të afërt Shëndetësore.