Temperaturat dhe moti për pesë ditët e ardhshme, kërkohet kujdes i shtuar ndaj rrezeve të diellit

Java e ardhshme parashihet të jetë me kushte të qëndrueshme meteorologjike, me mot kryesisht të kthjellët dhe me diell. Përjashtim bën dita e premte, kur pritet të ketë mot me diell dhe vranësira të dendura, të cilat në pjesën e dytë të ditës mund të sjellin stuhi lokale, kryesisht në disa zona të izoluara.

Instituti Hidrometeorologjik i Kosovës apelon për kujdes të shtuar ndaj rrezeve të diellit, veçanërisht për fëmijët, të moshuarit dhe personat me ndjeshmëri ndaj temperaturave të larta.

E hënë

Moti do të jetë kryesisht me diell. Temperaturat minimale do të jenë ndërmjet dhjetë deri në dymbëdhjetë gradë Celsius, ndërsa ato maksimale do të lëvizin nga njëzeteshtatë deri në tridhjetenjë gradë Celsius. Do të fryjë erë e lehtë nga drejtime të ndryshme.

E martë

Moti do të jetë me diell gjatë gjithë ditës. Temperaturat minimale do të sillen ndërmjet dhjetë deri në katërmbëdhjetë gradë Celsius, kurse ato maksimale pritet të arrijnë nga njëzetetetë deri në tridhjetedy gradë Celsius. Era do të fryjë nga veriperëndimi me shpejtësi një deri në tri metra për sekondë.

E mërkurë

Moti parashihet me diell dhe vranësira të shpërndara. Temperaturat minimale do të jenë nga trembëdhjetë deri në tetëmbëdhjetë gradë Celsius, ndërsa maksimalet do të lëvizin ndërmjet njëzetetetë deri në tridhjetetre gradë Celsius. Do të fryjë erë nga veriperëndimi me shpejtësi një deri në dy metra për sekondë.

E enjte

Moti do të jetë me diell dhe vranësira të pakta, kryesisht mbi relievin malor. Temperaturat minimale do të jenë ndërmjet dymbëdhjetë deri në tetëmbëdhjetë  gradë Celsius, ndërsa maksimalet do të arrijnë nga tridhjetenjë deri në tridhjetepesë gradë Celsius. Era do të fryjë e lehtë deri mesatare nga verilindja.

E premte

Moti do të jetë me diell dhe vranësira të shpërndara. Në pjesën e dytë të ditës, vranësirat pritet të shtohen dhe në disa zona mund të krijojnë kushte për stuhi afatshkurtra.

Temperaturat minimale do të lëvizin ndërmjet dymbëdhjetë deri në tetëmbëdhjetë gradë Celsius, ndërsa maksimalet nga tridhjetë deri në tridhjetekatër gradë Celsius. Do të fryjë erë e lehtë dhe lokalisht e fortë, nga veriperëndimi dhe verilindja.