Të paktën 29 vdekur nga zjarri në një klub nate në Stamboll
Të paktën 29 persona kanë vdekur dhe disa të tjerë janë lënduar nga zjarri që ka përfshirë një klub nate, i cili ishte duke u rinovuar, raporton agjencia e lajmeve “Associated Press”.
Autoritetet turke kanë njoftuar se tetë persona janë të lënduar, shtatë prej tyre janë hospitalizuar dhe janë në gjendje të rëndë, përcjell gazeta online Reporteri.net.
Klubi i natës, i cili ishte i mbyllur për rinovime, ishte në përdhesën e ndërtesës 16-katesh në lagjen Beshiktash. Zjarri është lokalizuar.
Autoritetet turke kanë nisur hetimet dhe viktimat besohet se janë punëtorët që po merreshin me rinovimin e klubit të natës.
Pesë persona janë arrestuar dhe intervistuar, përfshirë menaxherin e klubit të natës.
