Të mërkurën studentët pritet të marshojnë kundër Asociacionit
Parlamenti studentor i Universitetit të Prishtinës më 15 shkurt ka organizuar marsh kundër Asociacionit të komunave me shumicë serbe, për të cilin i ka ftuar gjithë qytetarët që të marrin pjesë.
Marshi do të nisë nga ora 16:00 nga ambientet e Bibliotekës Kombëtare “Pjetër Bogdani”.
Parlamenti i Studentëve të UP-së këtë të mërkurë të 15 shkurtit do të organizojnë marsh kundër Asociacionit të komunave me shumicë serbe.
Marshi do të nisë nga ambientet e Bibliotekës Kombëtare “Pjetër Bogdani” në orën 16:00, ndërsa nga këta theksojnë se marshi do të jetë gjithëpopullor.
Parlamenti Studentor të martën ka ftuar edhe qytetarët e tjerë dhe studentët e universiteteve publike e private për të marrë pjesë në këtë marsh.
“Parlamenti Studentor përmes email-it ka ftuar menaxhmentin e Universitetit të Prishtinës, Senatin e Universitetit, parlamentet studentore të universiteteve publike, organizatat studentore, Organizatën e Veteranëve të Luftës së Ushtrisë Çlirimtare të Kosovës, partitë politike përfshirë edhe ato të komuniteteve joshumicë, komunat e Kosovës, organizatat e shoqërisë civile dhe grupet joformale për t’ju bashkuar marshit kundër asociacionit të komunave me shumicë serbe që do të organizohet më 15 shkurt, me fillim nga ora 16:00, para Bibliotekës Kombëtare.Asociacioni një etnik është në kundërshtim me Kushtetutën e Republikës së Kosovës, prandaj pavarësisht bindjeve politike të gjithë duhet të jemi bashkë kundër tij”, thuhet në njoftimin e Parlamentit Studentor.
Video – https://www.facebook.com/hashtag/bashk%C3%ABkund%C3%ABrasociacionit?fref=mentions
