![Talia e Flakës 2023 – Trupat pjesëmarrëse dhe kalendari i prezantimeve – shfaqjet](https://tvgjilani.com/wp-content/uploads/2023/01/325702312_927430865083987_3601999336571944757_n-850x560.jpg)
Talia e Flakës 2023 – Trupat pjesëmarrëse dhe kalendari i prezantimeve – shfaqjet
Orari i paraparë për Trupat Teatrale pjesëmarrëse me shfaqjet përkatëse në tërësinë strukturore të shtyllës mbase kryesore të manifestimit – Festivalit të Dramës Shqipe “Talia e Flakës 2023”.
![](https://tvgjilani.com/wp-content/uploads/2024/04/vali-ranch-2.jpg)
![](https://tvgjilani.com/wp-content/uploads/2023/01/Annotation-2023-01-08-105259-63-32.jpg)
Festivali i Dramës Shqipe “Talia e Flakës”, këtë edicion, të 23 me radhë, nis më 23 janar dhe vijon për 6 ditë me radhë – deri më 28 janar. Këtë vit prezantohen para artdashësve Gjilanas 6 shfaqje teatrale nga Trupa të ndryshme e që vijnë nga qytete të ndryshme nga hapësira mbarëkombëtare.
![](https://tvgjilani.com/wp-content/uploads/2023/01/arkatana-horizontal-banner-10.jpg)
Ky është orari i paraparë për t’u prezantuar shfaqjet pjesëmarrëse për edicionin e këtij viti të Festivalit të Dramës, duke filluar nga shfaqja nikoqire e teatrit të Gjilanit “Fausti” sipas motiveve të veprës së njohur të Geëte-s, me regji të Fadil Hysaj, e me pjesëmarrje të aktorëve nga tri Ansamble Teatrale – Teatri Kombëtar i Kosovës – Prishtinë; Teatri i Qytetit të Gjilanit – Gjilan; Teatri “Bekim Fehmiu” – Prizren.
![](https://tvgjilani.com/wp-content/uploads/2023/01/321305599_555063336555248_8525660764367354061_n-1.jpg)
Në kuadër të programit të Festivalit të dramës në natën e dytë prezantohet shfaqja “Nyjat” nga Teatri Shqiptar – Shkup; për të vijuar me shfaqjen e natës së tretë garuese – me shfaqjen “Toka e shpirtërave të trazuar”, prodhim i teatrit “Oda”; pastaj “Burrneshat” nga Qendra “Multimedia” në bashkëprodhim me Teatrin “Oda”, shfaqje kjo e cila do të prezantohet në dy termine, ora 18:00h dhe 20:00h.
![](https://tvgjilani.com/wp-content/uploads/2023/01/arkatana-horizontal-banner-9.jpg)
Në dy tearmine do të prezantohen edhe dy shfaqjet e fundit të parapara sipas programit të manifestimit, gjegjësisht festivalit të dramës: “Babai dhe Babai” nga teatri “Integra”, si dhe shfaqja “Pak Pak” nga Teatri Eksperimental “Kujtim Spahivogli” – Tiranë.
![](https://tvgjilani.com/wp-content/uploads/2023/11/libertas2.jpg)