“Ta pastrojmë Kamenicën” – Aksion gjithëpërfshirës në Ditën Botërore të Pastrimit

Me rastin e Ditës Botërore të Pastrimit, Komuna e Kamenicës ka organizuar një aksion të gjerë pastrimi në gjithë territorin komunal, nën moton “Ta pastrojmë Kamenicën”.

Në këtë aktivitet morën pjesë kryetari Kadri Rahimaj, zyrtarë të komunës, punëtorë të NPL “Dardana”, si dhe nxënës të shkollave të ndryshme. Aksioni u përqendrua në pastrimin e deponive ilegale, oborreve të shkollave, kopshteve dhe hapësirave publike përreth objekteve.

Komuna ka falënderuar të gjithë pjesëmarrësit, duke theksuar se mbajtja e mjedisit të pastër është përgjegjësi e përbashkët e çdo qytetari. Sipas saj, Kamenica është një komunë e gjelbër dhe si e tillë duhet të ruhet e të mirëmbahen nga të gjithë.