Super ndeshja mes Gjilanit dhe Llapit mbyllet me barazim
Gjilani dhe Llapi kanë barazuar me rezultat 2-2 në ndeshjen e vlefshme për javën e 26-të në Albi Mall Superligën e Kosovës.
“Skifterat” dhe “Legjendat” kanë barazuar në një super-ndeshje të zhvilluar në stadiumin me bari sintetik në Gjilan.
Pjesa e parë e ndeshjes u karakterizua me lojë të barabartë, me të dyja skuadrat që patën rastet e veta dhe gjeten nga një herë rrjetën.
Goli i parë i ndeshjes erdhi në minutën e tretë me anë të Albert Dabiqaj, i cili shënoi për 1-0, ndërsa Fernandinho (17’) barazoi 1-1 me një gol të bukur nga goditja e dënimit.
Në pjesën e dytë, vendasit ishin për një nuancë skuadër më e mirë dhe ishin afër fitores, pasi gjeten shpejt golin, por në fund pranuan golin e barazimit.
Shend Kelmendi (61’) u përkujdes për golin epërsisë 2-1, ndërsa Francisco Rivera (90’) me një supergol shënoi për rezultatin përfundimtar 2-2.
Pas këtij barazimi, Gjilani e sheh veten në pozitën e 40 pikë, teksa Llapi zë vendin e pestë me 33 pikë.
Në ndeshjen e ardhshme, Gjilani udhëton te Ballkani, teksa Llapi e pret Malishevën.
Deklaratat e dy trajnerwve, Ramadani e Batatina, pas ndeshjes Gjilani 2:2 Llapi
Trajneri i Gjilanit, Zekirija Ramadani ndihet i kënaqur me barazimin e skuadrës së tij pas barazimit të sotëm (e diel) në kuadër të Albi Mall Superligën së Kosovës.
Gjilani ishte afër një fitore të madhe në shtëpi ndaj Llapit, pasi ishin dy herë në epërsi, por në fund ndeshja u mbyll me barazim 2-2.
“Mund të them se jam shumë i kënaqur me një pikë. Jam i lumtur që nuk humbëm takimin”, ka thënë fillimisht Ramadani pas ndeshjes.
Deklarata e Plotë, enkas për TV Gjilani:
Trajneri i Llapit, Tahir Batatina ka folur pas barazimit ndaj Gjilanit, të cilën mendon se skuadra e tij ishte më e mirë dhe duhej të fitonte tri pikët.
Llapi barazoi 2-2 në udhëtim te Gjilani në ndeshjen e javës së 26-të në Albi Mall Superligën e Kosovës dhe Batatina ndihet i kënaqur me lojën, por jo edhe rezultatin.
“Mendoj që është dashur ta fitonim lojën. Kishim tre raste përballë portierit, raste të cilat duhet të shfrytëzohen. Është dashur të fitonim. Pranuam një gol shumë herët, nuk është dashur të pranojmë gol aq herët”, ka thënë veç tjerash Batatina.
Deklarata e plotë e Tahir Batatina për TV Gjilani:
