Sulmues si ky nuk lindin shpesh | Luis Suarez debuton me hat-trick në Brazil dhe fiton trofeun, tifozët në dashuri me të
Luis Suarez bëri një debutim ëndrrash për Gremio kur shënoi një hat-trick pas vetëm 38 minutave në fitoren 4-1 të së martës mbrëma ndaj Sao Luiz në Recopa Gaucha.
35-vjeçari u largua nga klubi i Nacional për herë të dytë pas një periudhe të shkurtër me ekipin uruguaian muajin e kaluar dhe vendosi të marrë një sfidë të re në Brazil, duke nënshkruar një marrëveshje dyvjeçare me Gremio, përcjell LIG Sport.
Nuk kaloi shumë kohë që ai të ambientohej, pasi hapi llogarinë e tij brenda pesë minutave. Ai shënoi golin e tij të dytë pas gjysmë ore, teksa goli i tretë erdhi në minutën e 38’të.
Suarez do të luajë në Serie A të Brazilit këtë edicion.
Më poshtë keni pamjet e golave të tij:
