Stoltenberg nga Brukseli: Është e rëndësishme që NATO të forcojë praninë e saj në Kosovë
Sekretari i Përgjithshëm i NATO-s Jens Stoltenberg tha sot se Aleanca po shton trupat në Kosovë pas krizës në veri dhe tensioneve ekzistuese.
Stoltenberg u tha gazetarëve në Bruksel, para fillimit të samitit dyditor të ministrave të mbrojtjes të NATO-s, dhe pasi priti presidentin ukrainas Volodymyr Zelenskiy, se është e rëndësishme që Aleanca të forcojë trupat e saj në Kosovë, raporton Kosovo-Online.
20 ministra të mbrojtjes të vendeve anëtare sot në Bruksel do të diskutojnë për situatën e sigurisë në Kosovë pas sulmit terrorist të 24 shtatorit në Banjskë, ku tema do të jenë Ukraina, konflikti izraelito-palestinez, si dhe dëmtimi i objekteve infrastrukturore në deti Baltik.
Pas ngjarjeve në Banjska, NATO vendosi të përforcojë forcat e KFOR-it, fillimisht me 200 ushtarë britanikë, e më pas me po aq ushtarë rumunë.
Dje në Kosovë ka mbërritur edhe komandanti i ri i KFOR-it, gjenerali turk Ozkan Ulutash, i cili ka thënë se prioritet i tij është të kontribuojë në një dialog konstruktiv, si dhe se zgjidhja e përhershme për Kosovën mund të arrihet përmes procesit politik dhe dialogut.
