Spitali i Përgjithshëm në Gjilan, vijon rrjedhën e prezantimeve me tema të larmishme profesionale
Spitali i Përgjithshëm në Gjilan, ka vazhduar me prezantime profesionale të temave të larmishme.
SPGJ, njëherit institucioni kryesorë shëndetësor në tërë rajonin e Anamoravës, që ofron shërbime të vazhdueshme për komunat e kësaj treve, përfshirë edhe pacientët nga Lugina e Preshevës dhe Kumanova, ka vazhduar me prezantimet edukuese për stafin, konform trendeve e praktikave të avancuara globale në fushën e shëndetësisë.
Përmes njoftimit në faqen zyrtare në facebok, bëhet e ditur se gjatë ditës në SPGJ kanë prezantuar tema mjekët e koronaresë.
“Në kuadër të organizimit dhe planifikimit të temave profesionale për edukimin të vazhdueshëm professional, të udhëhequra nga drejtori mjekësor Dr. Ruzhdi Kadriu, sot mjekët e koronaresë në SPGJ prezantuan temën: “Pericarditis Acuta Exudativae”. Temën e prezantoi Dr. Agron Leka, specialist i Kardiologjisë”, thuhet në njoftim.
Më tej në njoftim u saktësuar se “Pericarditi është proces i inflamacionit të fletës seroze dhe fibroz të mbështjellësit të zemrës, me ose pa grumbullim të lëngut ndërmjet hapësirave”, përfundon njoftimi.
