Spitali i Përgjithshëm – Gjilan: Prezantohet tema “Ndikmi i anestetikëve dhe analgjetikëve në neonat gjatë anestezionit me prerje Cesariane”
Në kuadër të organizimit dhe planifikimit të temave profesionale për Edukim të Vazhdueshëm Profesional Mjekët e Anestezionit në SPGJ prezantuan temën: Ndikmi i anestetikëve dhe analgjetikëve në neonat gjatë anestezionit me prerje Cesariane.
Temën e prezantoi Dr. Isah Berisha, Mr. Sci, Anesteziolog & Intenzivist, e cila ka të bëjë me hulumtimet më të reja të lidhura me efektin e barërave që përdoren në anestezi te gratë shtatzëna që lindin me prerje Cesariane.
Hulumtimi është i fokusuar në efektin e barërave në neonat (tek të posalindurit). Gjendja e foshnjës së posalindur varet shumë nga gjendja e nënës gjatë shtatzënisë, por tek lindjet me operacion me prerje Cesariane, ndikim të madh kanë edhe barërat që do të përdoren tek nëna gjatë operacionit. Kjo ndodhë pasi shumica e barërave kalojnë në foshje përmes barrierës hematoplacentare, u tha me këtë rast, ndërsa u konstatua se puna ekipore në hulumtimin e trajtimin e rasteve përherë sjell rezultate dhe suksese të dëshiruara.
