Spektakël në New Orleans, Pelicsans triumfojnë ndaj Lakers
Janë zhvilluar nëntë ndeshje në xhiron e radhës në elitën e basketbollit amerikan NBA.
Një nga ndeshjet më interesante padyshim që ka qenë ajo në Smoothie King Center të New Orleans ku Pelicans kanë mposhtur Lakers me pesë pikë diferencë 131:126.
Ka qenë një ndeshje fantastike me shumë rikthime në rezultat, por dy çerekët e fundit rezultuan të jenë vendimtar për vendasit që morën fitoren.
Brandon Ingram me 35 pikë ka qenë më meritori për fitoren e vendasve, derisa Cj McCollum shtoi 23 të tjera e Murphy kontribuoi me 21 sosh.
Nga ana tjetër Anthony Davis pati paraqitje fantastike te Lakers me 34 pikë e 14 kërcime, derisa LeBron James shtoi 27 të tjera, por që nuk mjaftuan për fitore.
