Specialja konfimon vizitën e Thaçit: U lejua për arsye bindëse humanitare
Gjykata Speciale në Hagë ka liruar për vizitë ish-presidentin Hashim Thaçi për shkak të gjendjes shëndetësore të babait të tij.
Zëdhënësi i Dhomave të Specializuara në Hagë, Michael Doyle tha për Gazetën Online Reporteri.net se për arsye bindëse humanitare u mundësua vizita e Thaçit te babai i tij.
“Për arsye humanitare bindëse, Trupi Gjykues dhe Gjykatësja e Procedurës Paraprake kanë udhëzuar Zyrën Administrative që të menaxhojë një vizitë nën mbikqyrje në Kosovë të Hashim Thaçit për ta takuar babain e tij. I akuzuari mbetet në paraburgim të Dhomave të Specializuara”, tha ai Doyle për mediat.
Ish-presidenti Thaçi me të arritur në QKUK, u prit me thirrjet “UÇK-UÇK”.
Ai poashtu përshëndeti ata që kishin shkuar për ta parë nga afër atë.
Thaçit deri më tani i ishin refuzuar disa kërkesa për ta vizituar babanë e sëmurë.
