Skender Hoxha i bashkohet AAK-së në Gjilan
Skender Hoxha, nga sot i bashkohet degës së Aleancës për Ardhmërinë e Kosovës-së, gjegjësisht degës në Gjilan.
Lajmin e ka bërë të ditur kreu i degës së AAK-së në këtë komunë, Nazim Gagica. Sipas tij, Skenderi ishte nga figurat e shquara të jetës sportive e publike në përgjithësi, në kohët më të vështira të pavarsimit të sportit të Kosovës në tërësi, duke u veçuar përgjatë rrjedhës së viteve në cilësinë e kryetarit të Shoqatës së Gjyqtarëve të Anamoravës, si dhe në funksion të avancimit të vazhdueshëm të kushteve për sportistë.
“Në rrethana okupimi kur gjithçka ishte e cenzuruar, Skenderi me kolegët sportistë e mbajtën gjallë frymën e lëvizjes për liri. Pas luftës, Skenderi ka dhënë kontribut të jashtëzakonshëm në rikthimin e futbollit gjilanas. Është për çdo lëvdatë puna e tij profesionale e cila ishte vlerësuar nga shumë klube të Kosovës e në veçanti atyre të Anamoravës, i cili për plot 33 vite ishte kryetar i gjyqtarëve të Anamoravës”, thuhet veç tjerash në njoftimin e Gagices.
“Njerëz si Skenderi janë vlerë e shtuar në Aleancë dhe mundësi shtesë për përmirësimin e kushteve për sportin dhe për sportistët”, shtoi ai, duke nënvizuar se dega e AAK-së në Gjilan, si dhe Aleanca në përgjithësi, ka hapur dyertë për të gjithë pa dallim, dhe se mbetet subjekti më unik në skenën politike në Kosovës e përtej saj.
Aleanca mendon për secilën kategori të shoqërisë, prandaj ka gjithpërfshirje, përfundon njoftimi i Gagicës, duke i uruar mirëseardhje Hoxhes.
