Shqiprim Musliu kandidati i Lëvizjes së Progresit Demokratik për kryetar të Komunës së Bujanocit

Shqiprim Musliu kandidati i Lëvizjes së Progresit Demokratik për kryetar të Komunës së Bujanocit sot gjatë ditës ka qëndruar në Dobrosin për të filluar aktivitetin e fitores së 2 qershorit.

Ai nëpërmjet postimit në facebook ka bërë të ditur se Dobrosini është nyja kyçe e proceseve ndryshuese e progresive në komunën e Bujanocit.

Ky është postimi i plotë i tij

“E filluam në Dobrosinin e qëndresës dhe organizimit

Sot e nisëm aktivitetin tonë për zgjedhjet e 2 qershorit me një takim tek familja e dëshmorit Daut Sulejmani.

Nëna Mevlide si çdoherë mikëpritëse e plot optimizëm për të ardhmen e vendit tonë.

Në Listën tonë për këshilltare është mbesa e Dautit, Medina e cila me mbështetjen tonë të fuqishme do të jetë këshilltare e Kuvendit Komunal në legjislaturën e ardhshme.

Dobrosini i qëndresës, sot është vend i punës e angazhimit, me blegëtorë e fermerë të zotë që me mund e sakrificë po investojnë për një jetë më të mirë. Dëgjuam hallet dhe shqetësimet e tyre dhe udhëheqja jonë e ardhshme do të ketë prioritet zgjidhjen e problemeve të tyre.

Për katër vite si zëvendës kryetar i Komunës së Bujanocit, kisha derën të hapur për çdo qytetar. Andaj, jam krenar që çdokund ku po trokas po gjej mbështetje për fitoren tonë më 2 qershor.”