“Shqipëria Tjetër” në USA e drejtuar nga Behlul Gashi dhe projektet e humanistëve shqipetar.

Pak fjalë, shumë punë e zemër .

Kjo eshte motoja qe udheheq projektet humanitare të  gazetarit të madh shqipetar Marin Mema, i cili tani ka zgjeruar bashkepunimin e tij edhe me  humaniste të  tjerë  nga dega e “Shqipëria Tjetër” në USA me Behlul Gashin, drejtuesi i degës së fondacionit dhe nenkryetar i organizates me qender ne Shqiperi, pastaj Vilson Dautajn, Mevlan Matën, Albin Lacin të cilet zhvilluan dy takime ne New York dhe Dallas. “Njerëz të tillë e duan vendin e tyre, i duan trojet shqiptare dhe kjo më mbush me shpresë e besim se nëse jemi bashkë shumë gjëra mund të shkojnë ndryshe,”

Mërgata, roli dhe rëndësia e saj, organizimi, bashkëpunimi dhe koordinimi i mëtejshtëm, vota e diasporës, ishin vetem disa ndër temat që diskutuan në një takim të zhvilluar në New York, në Shtetet e Bashkuara me anëtaret e degës “Shqipëria Tjetër”.

Takimi ku kanë marrë pjesë përfaqësues të organizatave të shumta që funksionojnë në këtë vend, intelektualë e aktivistë të njohur është përqëndruar në problematikat që shqetësojnë komunitetin e shqiptarëve. Në takim Marin Mema shpreh faktin se është domosdoshmëri që mërgatës t’i garantohet e drejta e votës, e cila deri më sot ka mbetur e trajtuar thjesht në parim dhe asnjëherë seriozisht nga autoritetet shtetërore.

Nga krahu tjetër ka theksuar se ka ardhur koha që mërgata të koordinojë aktivitetin duke krijuar një lidhje e bashkëpunim të qëndrueshëm mes organizatave e shoqatave shqiptare që funksionojnë në të gjithë botën.

Duke falenderuar diasporën për të gjithë kontributin, mbështetjen dhe ndihmën e jashtëzakonshme që kanë dhënë e japin për trojet shqiptare, veç të tjerash ju dha mundësia të prezantoj punën e bërë nga fondacioni “Shqipëria Tjetër” që drejton, projektet e shumta të realizuara dhe ato që synohen për të ardhmen. Vuri theksin tek fakti që takime të tilla, janë larg organizimeve me sfond politik, që synojnë faktorizimin e individëve të caktuar. Ato i shërbejnë thjesht dhe vetëm krijimit të një bashkimi njerëzish që ambicien e vetme kanë respektin dhe dinjitetin ndaj kombit si dhe lartësimin e vlerave kombëtare, kudo në botë.

Të gjithë bashkë duhet të punojmë për trojet shqiptare !

Takimi u kthye më pas në një bashkëbisedim të gjatë me pjesëmarrësit që ka zgjatur për mëse 3 orë me pyetje dhe përgjigje të shumta. Një fjalë të rastit ka mbajtur edhe drejtuesi i degës së fondacionit “Shqipëria Tjetër” për SHBA – të Behlul Gashi që theksoi se ky është vetëm fillimi i një pune të gjatë që synon një bashkim më të madh të të gjitha shoqatave shqiptare. Sipas tij kjo është e domosdoshme dhe do t’i japë një tjetër frymëmarrje çështjes kombëtare dhe të gjitha problematikave që shqetësojnë shqiptarët.

Takimi u hap nga ish anëtari i këshillit bashkiak të qytetit të New York Mark Gjonaj i cili i mëshoi faktit se shqiptarët sot më shumë se kurrë duhet të punojnë bashkë. Takime, aktivitete të tilla do të shtrihen kudo jo vetëm në SHBA, por gjithkund ku jetojnë dhe punojnë shqiptarët.

Respekt për të gjithë JU ! Falenderime për degën e “Shqipëria Tjetër” në USA me Behlul Gashin, Vilson Dautajn, Mevlan Matën, Albin Lacin.

Bashkë jemi më të fortë !